തിരുവനന്തപുരം: വാഹനാപകടത്തില് ഗുരുതരമായി പരിക്കേറ്റ തിരുനെല്വേലി സ്വദേശി മുരുകന് ചികിത്സ ലഭിക്കാതെ മരിച്ച സംഭവത്തില് അന്വേഷണം നടത്താന് നിര്ദ്ദേശം നല്കിയതായി മുഖ്യമന്ത്രി പിണറായി വിജയന്. തക്ക സമയത്തു ചികിത്സ ലഭിക്കാതെ യുവാവ് മരിച്ചത് അത്യന്തം വേദനാജനകമാണ്.
ഭാവിയില് ഇത്തരം അനുഭവങ്ങള് ആവര്ത്തിക്കാതിരിക്കാനുളള സംവിധാനവും ക്രമീകരണവും സര്ക്കാര് ഉണ്ടാക്കും. ചികിത്സ നല്കാതെ രോഗിയെ തിരിച്ചയ്ക്കുന്നതു നിയമവിരുദ്ധമായതുകൊണ്ടു ബന്ധപ്പെട്ട ആശുപത്രികള്ക്കെതിരെ കേസ് എടുത്തിട്ടുണ്ടെന്നും മുഖ്യമന്ത്രി അറിയിച്ചു.
സ്വകാര്യ ആശുപത്രികള് ചികിത്സ നിഷേധിച്ചതിനെ തുടര്ന്നു ഗുരുതര പരുക്കുകളോടെ ഏഴു മണിക്കൂര് ആംബുലന്സില് കഴിച്ചുകൂട്ടേണ്ടിവന്ന തമിഴ്നാട് തിരുനെല്വേലി സ്വദേശി മുരുകനാണ്(33) തിങ്കളാഴ്ച രാവിലെ മരിച്ചത്. കൂട്ടിരിക്കാന് ആളില്ല, വെന്റിലേറ്ററില്ല, ന്യൂറോ സര്ജനില്ല തുടങ്ങിയ കാരണങ്ങള് പറഞ്ഞാണു തിരുവനന്തപുരത്തെയും കൊല്ലത്തെയും വിവിധ ആശുപത്രികള് മുരുകന് ചികിത്സ നിഷേധിച്ചത്.
പ്രതികരിക്കാൻ ഇവിടെ എഴുതുക: