ബത്തേരി: രാമായണ മാസാചരണത്തിന് സമാപനം കുറിച്ചുകൊണ്ട് മഹാഗണപതി ക്ഷേത്രാങ്കണത്തില് രാമായണ പാഠശാല നടത്തുന്നതാണെന്ന് ക്ഷേത്ര സമിതി ഭാരവാഹികള് അറിയിച്ചു. ആഗസ്റ്റ് പന്ത്രണ്ടിന് രാവിലെ ഒമ്പത് മണിക്ക് തുടങ്ങുന്ന പരിപാടികള് നഗര സഭാചെയര്മാന് സി.കെ.സഹദേവന് ഉദ്ഘാടനം ചെയ്യും. സാംസ്ക്കാരിക പ്രവര്ത്തകനായ ശിവ പ്രസാദ് പനങ്കണ്ടി രാമായണ പ്രഭാഷണം നടത്തും. യുപി, ഹൈസ്ക്കൂള് വിദ്യാര്ത്ഥികള്ക്കും പൊതുജനങ്ങള്ക്കുമായി രാമായണപ്രശ്നോത്തരിയും ഒരുക്കിയിട്ടുണ്ട്. ആഗസ്റ്റ് പതിമൂന്നിന് നടക്കുന്ന സാമൂഹ്യബോധവത്ക്കരണ പരിപാടി രാവിലെ ഒമ്പത് മണിക്ക് ഐ.സി.ബാലകൃഷ്ണന് എംഎല്എ ഉദ്ഘാടനം ചെയ്യും. എസ്എസ്എല്സി, പ്ലസ്ടു പരീക്ഷകളില് ഉന്നത വിജയം കൈവരിച്ച വിദ്യാര്ത്ഥികള്ക്കുളള സ്കോളര്ഷിപ്പ് വിതരണം വേദിയില് ജില്ലാ കളക്ടര് നിര്വ്വഹിക്കും. ടി.രാജേഷ് തൃശ്ശൂര് ക്ലാസ്സുകള് നയിക്കും. 25ന് വിനായക ചതുര്ത്ഥി ആഘോഷത്തോടനുുബന്ധിച്ച് മഹാഗണപതിക്ഷേത്രത്തില് 1008 കൊട്ടതേങ്ങയുടെ മഹാഗണപതിഹോമവും ആനയൂട്ടും വിശേഷാല് പൂജകളും നടക്കും.
പ്രതികരിക്കാൻ ഇവിടെ എഴുതുക: