തൊടുപുഴ: എക്സൈസ് സംഘം നടത്തിയ പരിശോധനയില് രണ്ട് കേസുകളിലായി രണ്ട് കഞ്ചാവ് വില്പ്പനക്കാര് പിടിയില്. തൊടുപുഴ കളരിതൊട്ടിയില് ഷമീര്(19), ഇടവെട്ടി പുത്തന്വീട്ടില് ബാദുഷ(20) എന്നിവരാണ് പിടിയിലായത്. 10 ഉം, 8 ഉം ഗ്രാം വീതം കഞ്ചാവാണ് ഇരുവരില് നിന്നും പിടിച്ചെടുത്തത്. ആദ്യ കേസില് ഷമീര് വൈകിട്ട് 4 മണിയോടെ മാര്ത്തോമയില് നിന്നാണ് പിടിയിലാകുന്നത്.
തൊടുപുഴ സര്ക്കിള് ഇന്സ്പെക്ടര് പി എസ് യൂസഫിന്റെ നേതൃത്വത്തിലാണ് പ്രതിയെ പിടികൂടിയത്. രണ്ടാമത്തെ കേസില് ബാദുഷയെ ഇടവെട്ടിയില് നിന്ന് വൈകിട്ട് 6 മണിയോടെ ഇതേ ഓഫീസിലെ തന്നെ എക്സൈസ് ഇന്സ്പെക്ടര് ഷാജി ജോര്ജന്റെ നേതൃത്വത്തിലാണ് പിടികൂടിയത്. ഇരുവര്ക്കുമെതിരെ പരാതി ലഭിച്ചതിന്റെ അടിസ്ഥാനത്തിലായിരുന്നു പരിശോധന.
പ്രതികളെ പിടികൂടിയ സംഘത്തില് ഫ്രാന്സിസ് ജോസഫ്, അജേഷ്കുമാര് വിഎസ്, സുബൈര് എ ഐ, സാബു ജോസഫ് എന്നിവരും ഉണ്ടായിരുന്നു. ഇരുവരെയും ഇന്ന് കോടതിയില് ഹാജരാക്കും.
പ്രതികരിക്കാൻ ഇവിടെ എഴുതുക: