കാഞ്ഞാര്: മങ്കൊമ്പ് കാവില് നിന്നും ഗവ. ന്യൂ എല്പി സ്കൂളിലേക്കുള്ള റോഡില് മരക്കൊമ്പുകള് വൈദ്യുതി ലൈനിലേക്ക് ചാഞ്ഞ് അപകടകരമായ രീതിയില് നിന്നിട്ടും അധികൃതര് തിരിഞ്ഞ് നോക്കുന്നില്ല.
വൈദ്യുതി വകുപ്പിനെ വിവരം അറിയിച്ചിട്ടും ഇവ വെട്ടിമാറ്റി അപകടം ഒഴിവാക്കുവാന് ഒരു നടപടിയും സ്വീകരിച്ചില്ല. സ്കൂള് കുട്ടികള് സഞ്ചരിക്കുന്ന റോഡിലാണ് തലയ്ക്ക് മീതെ വൃക്ഷ ശിഖരങ്ങളുടെ ഭാരത്താല് വൈദ്യുതി ലൈന് താഴ്ന്ന് കിടക്കുന്നത്.
സമീപത്തെ സ്വകാര്യ വ്യക്തിയുടെ പുരയിടത്തില് നിന്നുമാണ് വൈദ്യുതി ലൈനിലേക്ക് വൃക്ഷ ശിഖരങ്ങള് ചാഞ്ഞ് കിടക്കുന്നത്.
കാറ്റത്ത് ശിഖരങ്ങളില് ഉരഞ്ഞ് വൈദ്യുതി ലൈന് പൊട്ടുവാനുള്ള സാധ്യത ഏറെയാണ്. സ്കൂള് വാഹനങ്ങള് ഉള്പെടെ സഞ്ചരിക്കുന്ന റോഡിലാണ് അപകടകരമായ രീതിയില് വൈദ്യുതി ലൈന് താഴ്ന്ന് കിടക്കുന്നത്.
പ്രതികരിക്കാൻ ഇവിടെ എഴുതുക: