വാഷിങ്ടണ്: ഉത്തരകൊറിയന് ആണവമിസൈലിന് അമേരിക്കന് സൈനിക താവളമായ ഗുവാമിലെത്താന് 14 മിനിറ്റ് മാത്രം മതിയെന്ന് ഗുവാം സുരക്ഷാവക്താവ് ജെന്ന ജമിന്തെ. ഉത്തരകൊറിയ അമേരിക്കയിലേക്ക് ആണവ മിസൈല് അയച്ചാല് നിമിഷങ്ങള്ക്കകം അത് തിരിച്ചറിയാനുള്ള സംവിധാനവും ജനങ്ങള്ക്കായുള്ള സുരക്ഷാ മുന്നറിയിപ്പ് സംവിധാനവും അമേരിക്ക ഒരുക്കിയിട്ടുണ്ടെന്നും അദ്ദേഹം പറഞ്ഞു.
അണുവായുധ പരീക്ഷണങ്ങള് അവസാനിപ്പിക്കണമെന്നും അല്ലാത്ത പക്ഷം കനത്ത പ്രത്യാഘാതം നേരിടേണ്ടി വരുമെന്നും അമേരിക്കന് പ്രസിഡന്റ് ഡൊണാള്ഡ് ട്രംപ് പറഞ്ഞത് ഉത്തരകൊറിയയെ ചൊടിപ്പിച്ചിരുന്നു. അമേരിക്കന് സൈനിക താവളമായ ഗുവാമിലേക്ക് ആണവമിസൈല് അയക്കുമെന്നും അവിടെ ഛിന്നഭിന്നമാക്കുമെന്നുമായിരുന്നു ഉത്തരകൊറിയന് ഭരണാധികാരി കിം ജോംഗ് ഉന്നിന്റെ മറുടി.
മിസൈല് ആക്രമണത്തിനുള്ള പദ്ധതി തയാറാക്കിയിട്ടുണ്ട്. കൊറിയയെ മുന്കൂട്ടി പ്രതിരോധിക്കാന് അമേരിക്ക ആക്രമണത്തിന് തയാറെടുക്കുകയാണ്. ഇതുണ്ടായാല് അമേരിക്കയ്ക്കെതിരെ സര്വശക്തിയും ഉപയോഗിച്ച് യുദ്ധം ചെയ്യുമെന്നും ഉത്തരകൊറിയ മുന്നറിയിപ്പു നല്കിയിരുന്നു
പസഫിക് മേഖലയില് അമേരിക്കയുടെ ശക്തമായ സൈനിക സാന്നിദ്ധ്യമുള്ള ദ്വീപാണ് ഗുവാം. കര, വ്യോമ, നാവികസേനയുടേയും കോസ്റ്റ് ഗാര്ഡിന്റേയും ശക്തമായ സാന്നിദ്ധ്യമുണ്ട് ഇവിടെ.
പ്രതികരിക്കാൻ ഇവിടെ എഴുതുക: