കോട്ടയം: സംസ്ഥാന പ്രസിഡന്റ് ഉഴവൂര് വിജയന്റെ മരണത്തിനിടയാക്കിയ സംഭവത്തെക്കുറിച്ച് സമഗ്ര അന്വേഷണം നടത്തണമെന്ന് എന്സിപി കോട്ടയം ജില്ലാ കമ്മിറ്റി. ആവശ്യം ഉന്നയിച്ച് മുഖ്യമന്ത്രിയെ കാണാനും ജില്ലാ കമ്മിറ്റി തീരുമാനിച്ചു. കഴിഞ്ഞ ദിവസം ഉഴവൂര് വിജയന്റെ ഭാര്യ മുഖ്യമന്ത്രിയെ സന്ദര്ശിച്ചിരുന്നു.
ഉഴവൂര് വിജയനെ മാനസികമായി പീഢിപ്പിച്ചുവെന്ന ആരോപണ വിധേയനായ കേരളാ അഗ്രോ ഇന്ഡസ്ട്രീസ് കോര്പ്പറേഷന് ചെയര്മാന് സുല്ഫിക്കര് മയൂരിക്കെതിരെയാണ് ജില്ലാ കമ്മിറ്റി അംഗമായ റാണി സാംജി പരാതി നല്കിയിരിക്കുന്നത്. മെയ് 21നു വൈകുന്നേരത്തോടു കൂടി സുള്ഫിക്കര് മയൂരി ഉഴവൂര് വിജയനെ ഫോണില് വിളിച്ച് അസഭ്യം പറയുകയും വധഭീഷണി മുഴക്കുകയും കുടുംബാഗങ്ങളെക്കുറിച്ച് അശ്ലീലവും അപവാദവും പറഞ്ഞതായി റാണിയുടെ പരാതിയില് പറയുന്നു.
ഭീഷണിയെയും അപവാദ പ്രചാരണത്തെയും തുടര്ന്നുണ്ടായ മാനസിക സമ്മര്ദ്ദവുമാണ് ഉഴവൂര് വിജയന്റെ മരണത്തിനിടയാക്കിയതെന്നും പരാതിയില് പറയുന്നു.
പ്രതികരിക്കാൻ ഇവിടെ എഴുതുക: