കോഴിക്കോട്: പണ്ഡിറ്റ് ദീന്ദയാല് ഉപാദ്ധ്യായ ജന്മ ശതാബ്ദി ആഘോഷത്തിന്റെ ഭാഗമായി അഖിലേന്ത്യാ കമ്മറ്റിയുടെ നിര്ദ്ദേശ പ്രകാരം നടക്കുന്ന ബിജെപി ബൂത്ത്തല ഗൃഹസമ്പര്ക്കത്തിന് തുടക്കമായി. കോഴിക്കോട് ജില്ലാതല ഉദ്ഘാടനം കോര്പ്പറേഷന് കാരപ്പറമ്പ് ഡിവിഷനിലെ 40-ാം ബൂത്തില് ബിജെപി ജില്ലാ പ്രസിഡന്റ് ടി.പി. ജയചന്ദ്രന്മാസ്റ്റര് നിര്വഹിച്ചു. സംസ്ഥാന, ജില്ല, മണ്ഡലം നേതാക്കള് അഞ്ചു ദിവസം ഒരു ബൂത്തില് താമസിച്ചാണ് സമ്പര്ക്ക യജ്ഞത്തിന് നേതൃത്വം നല്കുന്നത്.
കാര്യവിസ്താര് യോജന എന്ന ഗൃഹ സമ്പര്ക്കത്തില് കേന്ദ്ര സര്ക്കാരിന്റെ 3 വര്ഷത്തെ ഭരണ നേട്ടങ്ങളാണ് ജനങ്ങളില് എത്തിക്കുക. കല, കായിക-സാംസ്കാരിക കൂട്ടായ്മകള്, സ്ത്രീ സംഗമം, യുവജന സംഗമം എന്നിവ പഞ്ചായത്ത്, മണ്ഡലം തലങ്ങളില് ബിജെപി പോഷക സംഘടനയുടെ നേതൃത്വത്തില് ഇതിന്റെ ഭാഗമായി നടക്കും. സംസ്ഥാനത്ത് ഒരു മാസം നീളുന്ന ബൂത്ത് സമ്പര്ക്ക യജ്ഞമാണ് നടക്കുക. ജില്ലയിലെ 13 നിയോജക മണ്ഡലങ്ങളിലും സമ്പര്ക്ക യജ്ഞം നടക്കും.
കാരപ്പറമ്പില് നടന്ന ജില്ലാതല ഉദ്ഘാടന ചടങ്ങില് കോഴിക്കോട് നോര്ത്ത് മണ്ഡലം പ്രസിഡന്റ് വി. സുരേഷ്കുമാര്, ജനറല് സെക്രട്ടറി എന്. ശിവപ്രസാദ്, ഏരിയ പ്രസിഡന്റ് എം. ജഗനാഥന്, കൗണ്സിലര് നവ്യ ഹരിദാസ്, പി. പി. പ്രേമരാജന്, അഡ്വ. വി പി. വേണു, വി.രഞ്ജിത്ത്, വി.വി. സജീന്ദ്രന്, പി. വാസുദേവന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: