രജനികാന്ത്‌ തിരിച്ചെത്തി

Friday 15 July 2011 2:04 am IST

ചെന്നൈ: സിങ്കപ്പൂര്‍ മൗണ്ട്‌ എലിസബത്ത്‌ ആശുപത്രിയില്‍ ചികിത്സയില്‍ കഴിഞ്ഞിരുന്ന തമിഴ്‌ സൂപ്പര്‍താരം രജനികാന്ത്‌ തിരിച്ചെത്തി. ബുധനാഴ്ച അര്‍ധരാത്രിയോടുകൂടി ചെന്നൈ വിമാനത്താവളത്തിലെത്തിയ താരത്തെ സ്വീകരിക്കാനായി ആരാധകര്‍ തടിച്ചുകൂടിയിരുന്നു. പുതിയ ചിത്രമായ റാണയുടെ ഷൂട്ടിംഗിനിടയില്‍ ശാരീരികമായ അസുഖങ്ങള്‍ അനുഭവപ്പെട്ടതിനെത്തുടര്‍ന്ന്‌ രജനിയെ ചെന്നൈയിലെ ശ്രീരാമചന്ദ്ര ആശുപത്രിയില്‍ പ്രവേശിപ്പിക്കുകയായിരുന്നു. ഇവിടെനിന്നും വിദഗ്ധ ചികിത്സക്കായി അദ്ദേഹം സിങ്കപ്പൂരിലെത്തുകയായിരുന്നു. വൃക്ക സംബന്ധമായ അസുഖങ്ങളാണ്‌ ഇദ്ദേഹത്തിനുണ്ടായിരുന്നതെന്നാണ്‌ സൂചന. രജനി സുഖംപ്രാപിച്ചുവെന്നും അദ്ദേഹം ഉടന്‍ തിരിച്ചെത്തുമെന്നുമുള്ള വാര്‍ത്തകള്‍ കഴിഞ്ഞ ഏതാനും ആഴ്ചകളിലായി പ്രചാരത്തിലുണ്ടായിരുന്നു. തങ്ങളുടെ പ്രിയതാരത്തിന്റെ ആരോഗ്യത്തിനായി പ്രാര്‍ത്ഥനകളും വഴിപാടുകളുമായി കഴിഞ്ഞിരുന്ന ആരാധകര്‍ രജനിയുടെ തിരിച്ചുവരവ്‌ ഗംഭീരമായിട്ട്‌ ആഘോഷിക്കാനുള്ള തയ്യാറെടുപ്പിലാണ്‌.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.