പാലാ: രാജസ്ഥാനില് നിന്നും കേരളത്തില് പ്രൊഫഷണല് മോഷ്ടാക്കളും ക്രിമിനലുകളും എത്തിയിട്ടുണ്ടെന്നുള്ള ഇന്റലിജന്സ് റിപ്പോര്ട്ടിന്റെ അടിസ്ഥാനത്തില് ജില്ലാ പോലീസ് മേധാവിയുടെയും പാലാ ഡിവൈഎസ്പി വി.ജി. വിനോദ്കുമാറിന്റെയും നിര്ദ്ദേശപ്രകാരം പാലാ സി.ഐ. രാജന് കെ. അരമന ക്ലാസ് എടുത്തു. വ്യാപാര സ്ഥാപനങ്ങളിലും പൊതുസ്ഥലങ്ങളിലും പുതുതായി സിസി ക്യാമറകള് സ്ഥാപിക്കുക, ഇത് പൊതുനിരത്ത് കാണത്തക്കവിധം ക്രമീകരിക്കുക, ഇവയുടെ പ്രവര്ത്തനം ഉറപ്പുവരുത്തുക, സ്വകാര്യ സെക്യൂരിറ്റി ജീവനക്കാരുടെ പ്രവര്ത്തനം കാര്യക്ഷമമാക്കുക തുടങ്ങിയ കാര്യങ്ങളില് വ്യാപാരികള്ക്ക് അവബോധം നല്കി. കേരളാ വ്യാപാരി വ്യവസായി ഏകോപനസമിതി സമ്മേളനത്തിനോടനുബന്ധിച്ചാണ് ക്ളാസ് നടത്തിയത്. ജിഎസ്ടി അവലോകനവും ജില്ലാ ഭാരവാഹികള്ക്ക് സ്വീകരണവും നാടിന്റെയും വ്യാപാര മേഖലയുടെയും സുരക്ഷാക്ലാസും സ്നേഹവിരുന്നും പാലാ വ്യാപാരഭവന് ഓഡിറ്റോറിയത്തില് നടത്തപ്പെട്ടു. സമ്മേളനം ജില്ലാ പ്രസിഡന്റ് എം.കെ. തോമസുകുട്ടി ഉദ്ഘാടനം ചെയ്തു. പ്രസിഡന്റ് വക്കച്ചന് മറ്റത്തില് എക്സ് എം.പി. അദ്ധ്യക്ഷത വഹിച്ചു. ജിഎസ്ടിയുമായി ബന്ധപ്പെട്ട വര്ത്തമാനകാല സംഭവങ്ങള് ചര്ച്ച ചെയ്യപ്പെട്ടു.
പ്രതികരിക്കാൻ ഇവിടെ എഴുതുക: