തിരുവനന്തപുര : ഖാദി മേഖലയുടെ പുനഃരുദ്ധാരണവുമായി ബന്ധപ്പെട്ട് സമിതിയെ നിയോഗിക്കുമെന്ന് വ്യവസായ മന്ത്രി എ.സി.മൊയ്തീന് പറഞ്ഞു. ഖാദി മേഖലയില് ഉത്പാദന വര്ദ്ധനവിനും അതുവഴി തൊഴിലവസരങ്ങളുടെയും ആനുകൂല്യങ്ങളുടെയും വര്ദ്ധനവിനും സ്ഥാപനങ്ങളുടെ അടിസ്ഥാന സൗകര്യ വികസനത്തിനും മറ്റ് ഖാദി സ്ഥാപനങ്ങളുടെ പ്രവര്ത്തനങ്ങളെക്കുറിച്ചു സമഗ്രമായി പഠിച്ച് റിപ്പോര്ട്ട് ഒരു മാസത്തിനകം സമര്പ്പിക്കുന്നതിന് മന്ത്രി നിര്ദ്ദേശിച്ചു.
കേരളത്തിലെ ഖാദി മേഖലയില് നൂല് നൂല്പ്പ്, നെയ്ത്ത് മേഖലകള് നേരിടുന്ന പ്രശ്നങ്ങളെ സംബന്ധിച്ച് ബോര്ഡ് അംഗങ്ങള്, ട്രേഡ് യൂണിയന് പ്രതിനിധികള്, കേന്ദ്ര ഖാദി കമ്മീഷന്, സംസ്ഥാന ഡയറക്ടര്, വ്യവസായ വകുപ്പ് പ്രതിനിധികള് എന്നിവരുമായി കൂടിയാലോചനകള് നടത്തി. യോഗത്തില് സി.കൃഷ്ണന് എംഎല്എ, ഖാദി ബോര്ഡ് വൈസ് ചെയര്മാന് എം.വി.ബാലകൃഷ്ണന്, ബോര്ഡ് അംഗങ്ങളായ മാണി ടി.എല്, കെ.ധനഞ്ജയന്, ട്രേഡ് യൂണിയന് പ്രതിനിധികളായ എന്.ജി.ഗംഗാധരന്, പി.വത്സരാജ്, രാജേന്ദ്രദാസ്, ഖാദി കമ്മീഷന് സംസ്ഥാന ഡയറക്ടര് കെ.പി.ലളിതാ മണി, വ്യവസായ സെക്രട്ടറി സഞ്ജയ് കൗള് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: