മാസഫലം - 1194 ധനു 1 മുതല്‍ 30 വരെ (2018 ഡിസംബര്‍ 16 മുതല്‍ 2019 ജനുവരി 14 വരെ)

Sunday 16 December 2018 3:47 am IST
ധനു എട്ടിന് പകല്‍ 12.42ന് കുജന്‍ മീനത്തില്‍. ധനു 17ന് രാവിലെ 9.52ന് ബുധന്‍ ധനുവില്‍. ധനു 17ന് രാത്രി 8.33ന് ശുക്രന്‍ വൃശ്ചികത്തില്‍. ധനു ഒന്നിന് രാവിലെ 9.11ന് ധനുരവി സംക്രമം. ധനു 25 ഉദയത്തില്‍ ബുധ മൌഢ്യാരംഭം. ധനു 2 ഉദയത്തില്‍ ശനി മൌഢ്യാരംഭം.

 1194 ധനു 1 മുതല്‍ 30 വരെ (2018 ഡിസംബര്‍ 16 മുതല്‍ 2019 ജനുവരി 14 വരെ) നിങ്ങള്‍ക്ക് എങ്ങനെ

മേടം: അശ്വതി, ഭരണി, കാര്‍ത്തിക ആദ്യപാദം

ആരോഗ്യസ്ഥിതി മെച്ചം. കഠിനാദ്ധ്വാനം കൊണ്ട് വിജയം നേടിയെടുക്കും. മാര്‍ഗങ്ങള്‍ തെളിഞ്ഞുകിട്ടും. പ്രാഗത്ഭ്യം വര്‍ദ്ധിക്കുമെങ്കിലും അത് ഉപയോഗപ്പെടുത്താന്‍ പ്രയാസം. ഗൃഹനിര്‍മാണത്തില്‍ തടസങ്ങള്‍. 

ഇടവം: കാര്‍ത്തിക മുക്കാല്‍, രോഹിണി, മകീര്യം ആദ്യ പകുതി

സാമ്പത്തിക പുരോഗതി. വിദ്യാഭ്യാസ നിലവാരം തൃപ്തികരം. ഇടനേരത്തെ ഭക്ഷണം രോഗഹേതുവായേക്കാം. ഗൃഹസുഖമുണ്ട്. വാഹനസുഖം തൃപ്തികരം. ഭാഗ്യാഗമനത്തിന് തടസങ്ങളേറെ. 

മിഥുനം: മകീര്യം അന്ത്യപകുതി, തിരുവാതിര, പുണര്‍തം മുക്കാല്‍

സാമ്പത്തിക പ്രശ്നങ്ങളുണ്ട്. വളഞ്ഞവഴി സഞ്ചാരവും പ്രശ്നങ്ങളുണ്ടാക്കും. ഗൃഹസുഖത്തില്‍ കുറവ് വരും. മനോബലം കുറയും. സന്താന അരിഷ്ടതകളുണ്ട്. അപകടങ്ങള്‍ പതിയിരിക്കുന്നു. ഉപാസനകള്‍ സഹായിക്കും.

കര്‍ക്കിടകംപുണര്‍തം അന്ത്യപാദം, പൂ‍യം, ആയില്യം

ദേഹാരിഷ്ടതകളും അപകടസധ്യതകളുമുണ്ട്. സന്താനങ്ങള്‍ക്ക് അരിഷ്ടതയുണ്ടെങ്കിലും ഉപാസനാഗുണവും ഭാഗ്യമാര്‍ഗങ്ങളും നേടിയെടുക്കാനായാല്‍ സന്താനങ്ങളെ ഉന്നത പദവിയിലേക്ക് തിരിച്ചുവിടാന്‍ സഹായിക്കും.

ചിങ്ങം: മകം, പൂരം, ഉത്രം ആദ്യപാദം

ആരോഗ്യം മെച്ചപ്പെടുന്നു. ഗൃഹകാര്യങ്ങളില്‍ പുരോഗതി. ഭാഗ്യാഗമനത്തിനുള്ള വിധം ഉപാസനകള്‍ സഹായിക്കും. മനശക്തിക്ക് സഹായകം. വിദ്യാഭ്യാസത്തിന് പുരോഗതി. സാമ്പത്തികമായി മാന്ദ്യമുണ്ട്.

കന്നി: ഉത്രം മുക്കാല്‍, അത്തം, ചിത്തിര ആദ്യ പകുതി

അഭീഷ്ടങ്ങള്‍ തടസങ്ങള്‍ നേരിട്ടിട്ടാണെങ്കിലും നേടിയെടുക്കാനാവും. സാമ്പത്തികമായി മാന്ദ്യമുണ്ട്. ഗൃഹകാര്യങ്ങള്‍ തൃപ്തികരമായി മുന്നേറുന്നു. സന്താന അരിഷ്ടതകളുണ്ട്. രോഗപീഡകളുമുണ്ട്. ധാര്‍മിക പ്രവര്‍ത്തനങ്ങളും ഉപാസനകളും വര്‍ദ്ധിക്കും.

തുലാം: ചിത്തിര അന്ത്യ പകുതി, ചോതി, വിശാഖം മുക്കാല്‍

സാമ്പത്തികമായി വളര്‍ച്ച ലഭിക്കും. എന്നാല്‍ ഗൃഹത്തില്‍ പ്രശ്നങ്ങള്‍ കൂടുന്നതു കൊണ്ട് സ്വസ്ഥത കുറയും. മാനസിക പ്രശ്നങ്ങളും സമ്മര്‍ദ്ദങ്ങളും കൂടും. കര്‍മരംഗത്ത് അല്‍പ്പം വളഞ്ഞ വഴികളുള്ളത് സമ്മര്‍ദ്ദം കൂട്ടും.  

വൃശ്ചികം: വിശാഖം അന്ത്യപാദം, അനിഴം, തൃക്കേട്ട

മെച്ചപ്പെട്ട ആരോഗ്യം. പ്രാപ്തിയും പ്രാഗത്ഭ്യവും വര്‍ദ്ധിക്കും. സാമ്പത്തിക പ്രശ്നങ്ങളുണ്ട്. സഹോദര ഗുണം കുറയും. വിദ്യാഭ്യാസത്തില്‍ മാന്ദ്യമുള്ളത് പരിഹരിക്കാന്‍ ശ്രമം ആവശ്യം. സാങ്കേതിക വിദ്യകളില്‍ ശോഭിക്കും.

ധനു: മൂലം, പൂരാടം, ഉത്രാടം ആദ്യപാദം

ദേഹാരിഷ്ടതകളും കീര്‍ത്തിഭംഗങ്ങളും സാമ്പത്തിക നഷ്ടങ്ങളും കൂടുതല്‍. വിദ്യാഭ്യാസ രംഗത്ത് പിടിച്ച് നില്‍ക്കാനാവും. കലാപരമായി നഷ്ടങ്ങള്‍. സഹോദര ദുരിതം. ഗൃഹവില്‍പ്പന കാര്യങ്ങളില്‍ മുന്നേറ്റം. 

മകരം: ഉത്രാടം മുക്കാല്‍, തിരുവോണം, അവിട്ടം ആദ്യ പകുതി

ദേഹാസ്വാസ്ഥ്യങ്ങള്‍ കൂടുതല്‍. വീഴ്ചകള്‍ക്കും സാധ്യതകളുണ്ട്. എന്നാല്‍ സാമ്പത്തിക വളര്‍ച്ചയുണ്ടാകും. ആഗ്രഹിച്ച പല നേട്ടങ്ങളും കരസ്ഥമാക്കാനാവും. ഉന്നത ലക്ഷ്യങ്ങളോട് അടുക്കുന്നു. ഉപാസനാഗുണവും ഭാഗ്യവും ഉണ്ടാകും. 

കുംഭം: അവിട്ടം അന്ത്യപകുതി, ചതയം, പൂരൂരുട്ടാതി മുക്കാല്‍

ആരോഗ്യപ്രശ്നങ്ങളും വീഴ്ചകളും ഉണ്ടായേക്കും. വിദ്യാഭ്യാസത്തിലും സാമ്പത്തിക മേഖലയിലും മുന്നേറ്റം. കര്‍മരംഗത്ത് പുരോഗതി. സഹോദരഗുണമുണ്ടാകും. ഗൃഹനിര്‍മാണ കാര്യങ്ങളില്‍ മുന്നേറ്റം. ഉപാസനയും അനുകൂലം.

മീനം: പൂരൂരുട്ടാതി കാല്‍, ഉത്രട്ടാതി, രേവതി

ഗുരുക്കന്മാരുടെ താപസാധ്യതകള്‍ നിലനില്‍ക്കുന്നു. ഗുരുതാപം അകറ്റിയാല്‍ ഉന്നമായി ശോഭിക്കാനാവും. ഉപാസനാഗുണവും ലഭ്യമാകും. ഭൂമി വില്‍പ്പനകാര്യങ്ങളില്‍ മുന്നേറ്റം. ഗൃഹനിര്‍മാണത്തിലും പുരോഗതി. കര്‍മ്മഗുണം ലഭിക്കും. 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.