ചാലക്കുടി: കെ.പി.എം.എസ് സംസ്ഥാന ജനറല് കൗണ്സില് 20ന് ചാലക്കുടി എസ്.എന്.ഹാളില് വെച്ച് നടത്തുമെന്ന് സംസ്ഥാന ജനറല് സെക്രട്ടറി തുറവൂര് സൂരേഷ് വാര്ത്ത സമ്മേളനത്തില് പറഞ്ഞു.രണ്ടാം ഭൂപരിഷ്ക്കരണം നടപ്പിലാക്കുക,എയ്ഡഡ് വിദ്യാഭ്യാസ മേഖല നിയമനങ്ങള് പിഎസ്.സിക്ക് വിടുക,കേരളത്തില് വര്ദ്ധിച്ചു വരുന്ന ദളിത് പീഡനങ്ങളും,കൊലപാതകങ്ങളും,അതിക്രമങ്ങളും തടയുക എന്നീ വിഷയങ്ങളില് തുടര് പ്രക്ഷോഭങ്ങള് ആലോചിക്കുന്നതിനാണ് ജനറല് കൗണ്സില് ചേരുന്നത്. കേരളത്തിലെ കെപിഎംഎസ് വിവിധ ശാഖ യൂണിയന് ജില്ലാ തലങ്ങളില് നിന്നായി 800 ഓളം പ്രതിനിധികള് പങ്കെടുക്കും.
രാവിലെ 10ന് കെപിഎംഎസ് സംസ്ഥാന ഉപദേശക സമതിയംഗം ടി.വി.ബാബു ഉദ്ഘാടനം ചെയ്യും. സംസ്ഥാന പ്രസിഡന്റ് എന്.കെ.നീലകണ്ഠന് അദ്ധ്യക്ഷത വഹിക്കും. ജനറല് സെക്രട്ടറി തുറവൂര് സൂരേഷ് പ്രവര്ത്തന റിപ്പോര്ട്ടും അവതരിപ്പിക്കും. ഈ സര്ക്കാര് അധികാരത്തിലേറി ഒരു വര്ഷം പിന്നിടുമ്പോള് 400ല്പ്പരം പട്ടികജാതി-വര്ഗ്ഗ പീഡനങ്ങളും അതിക്രമങ്ങളും റിപ്പോര്ട്ട് ചെയ്തു കഴിഞ്ഞു. ഡോ.പി.പി.വാവ,വര്ക്കിംങ്ങ് പ്രസിഡന്റ് വി,സി.ശിവരാജന്,സംഘടന സെക്രട്ടറി കെ.എ.തങ്കപ്പന്,വൈസ് പ്രസിഡന്റ് കെ.ബിന്ദു,അസിസ്റ്റന്റ് സെക്രട്ടറി പി.കെ.സുബ്രന്,വിവിധ പോഷക സംഘടന നേതാക്കള് തുടങ്ങിയവര് പങ്കെടുക്കുന്നതാണ്.വാര്ത്ത സമ്മേളനത്തില് ജില്ലാ ഭാരവാഹികളായ എം.കൃഷ്ണന് കുട്ടി,എം.വി.ഗംഗാധരന്,സി.എ.ശിവന്,കെ.പി.സുബ്രന് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: