കൊച്ചി: വരാപ്പുഴ പീഡന കേസില് രണ്ട് പ്രതികള് കുറ്റക്കാരാണെന്ന് കോടതി വിധിച്ചു. ശോഭാ ജോണ്, കേണല് ജയരാജന് നായര് എന്നിവരെയാണ് കുറ്റക്കാരെന്ന് കോടതി വിധിച്ചത്. അഞ്ച് പ്രതികളെ വെറുതെ വിട്ടു.
സംസ്ഥാന പോലീസ് രജിസ്റ്റര് ചെയ്ത 48 കേസുകളില് ആദ്യ കേസിന്റെ വിധി പ്രസ്താവമാണ് ഇന്ന് നടന്നത്. എറണാകുളം അഡീഷണല് സെഷന്സ് കോടതിയിലാണ് വിചാരണ പൂര്ത്തിയായത്.
പ്രായപൂര്ത്തിയാകാത്ത പെണ്കുട്ടിയെ പെണ്വാണിഭ സംഘത്തിന് കൈമാറി കൂട്ട ബലാത്സംഘത്തിനിരയാക്കിയെന്നാണ് കേസ്. പെണ്വാണിഭ സംഘത്തിന്റെ ഇടനിലക്കാരി ശോഭാ ജോണ് ആണ് കേസിലെ മുഖ്യപ്രതി.
പെണ്കുട്ടിയുടെ സഹോദരിയും സഹോദരി ഭര്ത്താവും അടക്കം എട്ട് പേരാണ് ആദ്യ കേസിലുള്ളത്. 2012ല് കുറ്റപത്രം സമര്പ്പിച്ച കേസില് ഒരു പ്രതി വിചാരണക്കിടെ മരിച്ചിരുന്നു. മറ്റ് 47 കേസുകളുടെ വിചാരണയും പുരോഗമിക്കുകയാണ്.
പ്രതികരിക്കാൻ ഇവിടെ എഴുതുക: