കോട്ടയം: ബിജെപി മുന് സംസ്ഥാന ഉപാദ്ധ്യക്ഷനും ജനറല് സെക്രട്ടറിയുംമുതിര്ന്ന നേതാവുമായ ഏറ്റുമാനൂര് രാധാകൃഷ്ണന്റെ സപ്തതിയും പൊതുപ്രവര്ത്തനത്തിന്റെ 50-ാം വാര്ഷിക ആഘോഷവും നാളെ കോട്ടയത്ത് നടക്കും. കോട്ടയം പൗരാവലിയും രാധാകൃഷ്ണന്റെ സുഹൃത്തുക്കളും ചേര്ന്നാണ് ആഘോഷം സംഘടിപ്പിക്കുന്നതെന്ന് സ്വാഗതസംഘം ചെയര്മാന് ടി.ജി. സാമുവേല് പത്രസമ്മേളനത്തില് പറഞ്ഞു.
കെപിഎസ്മേനോന് ഹാളില് വൈകിട്ട് 3 ന് സമ്മേളനം ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് ഉദ്ഘാടനം ചെയ്യും. മുന് മുഖ്യമന്ത്രി ഉമ്മന്ചാണ്ടി, എംഎല്എമാരായ കെ.എം.മാണി, തിരുവഞ്ചൂര് രാധാകൃഷ്ണന്, കെ. സുരേഷ്കുറുപ്പ്, ആര്എസ്എസ് ക്ഷേത്രീയ പ്രചാര്പ്രമുഖ് പി.ആര്.ശശിധരന്, ബിജെപി മുന് ദക്ഷിണേന്ത്യന് സംഘടനാ കാര്യദര്ശി പി.പി. മുകുന്ദന്, ദേശീയ ന്യൂനപക്ഷ കമ്മീഷന് ഉപാദ്ധ്യക്ഷന് ജോര്ജ് കുര്യന്, കേരള കോണ്ഗ്രസ് ചെയര്മാന് പി.സി.തോമസ്, ജന്മഭൂമി മുന് മുഖ്യപത്രാധിപര് പി. നാരായണന്, നഗരസഭ അദ്ധ്യക്ഷ ഡോ. സോന, ബിഡിജെഎസ് സംസ്ഥാന ഖജാന്ജി എ.ജി.തങ്കപ്പന്, ബിജെപി മുന് സംസ്ഥാന അദ്ധ്യക്ഷന്മാരായ കെ.രാമന് പിള്ള, സി.കെ. പദ്മനാഭന്, അഡ്വ. പി.എസ്.ശ്രീധരന്പിള്ള, പി.കെ. കൃഷ്ണദാസ്, വി.മുരളീധരന്, ജില്ലാ അദ്ധ്യക്ഷന് എന്.ഹരി എന്നിവര് പ്രസംഗിക്കും.
ആര്എസ്എസിലൂടെ പൊതുപ്രവര്ത്തനരംഗത്ത് എത്തിയ ഏറ്റുമാനൂര് രാധാകൃഷ്ണന് പിന്നീട് ജനസംഘത്തിന്റെ മുഖ്യപ്രവര്ത്തകരില് ഒരാളായിരുന്നു. യുവമോര്ച്ച ദേശീയ ഉപാദ്ധ്യക്ഷ പദവി വഹിച്ചിട്ടുണ്ട്. ജന്മഭൂമി ഡയറക്ടറും ബിജെപി സംസ്ഥാന കമ്മിറ്റി അംഗവുമാണ്.പത്രസമ്മേളനത്തില് തിരുവഞ്ചൂര് വിപിനചന്ദ്രന്, പി.സുനില്കുമാര്, മോഹന്ദാസ് എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: