പാലക്കാട്: ബ്ലൂവെയ്ല് ഗെയിമിന് അടിമയായി പാലക്കാട്ടും ആത്മഹത്യയെന്ന് സംശയം. പിരായിരി കുളത്തിങ്കല് വീട്ടില് ആഷിഖ് (20) കഴിഞ്ഞ മാര്ച്ചില് ആത്മഹത്യ ചെയ്തത് ബ്ലൂവെയില് കളിക്ക് അടിമപ്പെട്ടാണെന്നാണ് മാതാവിന്റെ സംശയം. മരണത്തില് സംശയമുണ്ടായിരുന്നെങ്കിലും ബ്ളൂവെയില് സംബന്ധിച്ച വാര്ത്തകള് കണ്ടതോടെയാണ് ഉമ്മ അസ്മാബിക്ക് സംശയം ബലപ്പെട്ടത്.
അര്ദ്ധരാത്രിയില് വീട്ടുകാരുടെ കണ്ണുവെട്ടിച്ച് ശ്മശാനത്തില് പോവുകയും വീടിന് മുകളില്നിന്ന് ചാടാന് നോക്കുകയും ചെയ്തിരുന്ന ആഷിഖ് ഉറക്കമില്ലാതെ മൊബൈലില് ഗെയിം കളിച്ചിരുന്നതായി ഇവര് പറയുന്നു. രക്തംപുരണ്ട കൈകളുമായി കടലില് നില്ക്കുന്നതും കരിങ്കല് ക്വാറിയുടെ സമീപത്ത് ഇരിക്കുന്ന അപകടകരമായ രീതിയിലുള്ള മൊബൈല് ചിത്രങ്ങള് കണ്ടതായും ഇത് ബ്ലൂ വെയില് ഗെയിമിന് അടിമപ്പെട്ടതിനാലാണെന്നും മാതാവ് അസ്മാബി സംശയിക്കുന്നു. എന്നാല് ഫോണില് നിന്ന് ആപ്ളിക്കേഷന്സും വീഡിയോയും ഡിലീറ്റ് ചെയ്ത ശേഷമാണ് ആഖിഖ് ആത്മഹത്യ ചെയ്തത്.
മാര്ച്ച് 30നാണ് ആഷിഖിനെ കിടപ്പുമുറിയില് തൂങ്ങിമരിച്ച നിലയില് കണ്ടെത്തിയത്. എന്നാല്, ആഷിഖിന്റെ മരണ കാരണം ബ്ലൂവെയ്ല് ആണെന്ന് പൊലീസ് ഇതുവരെ സ്ഥിരീകരിച്ചിട്ടില്ല. ഇത് സംബന്ധിച്ച് കൂടുതല് അന്വേഷണം നടത്തുമെന്നും പരാതി ലഭിച്ചിട്ടില്ലെന്നും പൊലീസ് പറഞ്ഞു.
പ്രതികരിക്കാൻ ഇവിടെ എഴുതുക: