കണ്ണൂര്: ജനമനസ്സുകള്ക്ക് ഉത്സവത്തിമിര്പ്പിന്റെ പകിട്ടേറെയുളളവര്ണ്ണാഭമായ പകലിരവുകള് സമ്മാനിച്ചുകൊണ്ട് ഓണം ഫെസ്റ്റ് – 2017ന്റെ ഉദ്ഘാടനം കണ്ണൂര് പോലീസ് മൈതാനിയില് മേയര് ഇ.പി.ലത നിര്വ്വഹിച്ചു. പി.കെ.രാഗേഷ്, കൗണ്സിലര്മാരായ അഡ്വ.ലിഷാ ദീപക്, പി.ഇന്ദിര, വെള്ളോറ രാജന്, ടി.ഒ.മോഹനന്, പി.ഒ.രാധാകൃഷ്ണന് എന്നിവര് പ്രസ്തുതചടങ്ങില് സന്നിഹിതരായിരുന്നു.
കേരളത്തില് ആദ്യമായി ബാഹുബലി തീം പാര്ക്ക് ആണ് ഓണം ഫെസ്റ്റിന്റെ മുഖ്യ ആകര്ഷണം. ബാഹുബലി സിനിമയിലെ വിസ്മയിപ്പിക്കുന്ന കാഴ്ചകള്, ശില്പങ്ങള് എന്നിവ കോര്ത്തിണക്കി അനശ്വരമാക്കുന്ന ഒരു അവിസ്മരണീയ അനുഭവം തന്നെയായിരിക്കും ഇത്.. കണ്ണൂരില് ആദ്യമായി ലോകോത്തര നിലവാരത്തിലുളള ഇംപോര്ട്ടഡ് റോബോട്ടിക് ആനിമല് കിങ്ഡം. വിനോദവിജ്ഞാനമേളകളില് ആദ്യമായാണ് ജീവനുണ്ടെന്ന് തോന്നിക്കുന്ന മൃഗങ്ങളുടെ രൂപങ്ങള് കാഴ്ചക്കാര്ക്കു മുന്നില് അവതരിപ്പിക്കുന്നത്. ,കുട്ടികളുടെ കഥയിലെ കൂട്ടുകാരായ ആനയും കുതിരയും സിംഹവും സീബ്രയും ചിമ്പാന്സിയും കങ്കാരുവും പാമ്പും പാണ്ടയുമെല്ലാമുണ്ട് പ്രദര്ശനനഗരിയിലെ വനത്തില്. കാട്ടില് കുടില് കെട്ടി ജീവിക്കുന്ന ആദിവാസികളും മൃഗങ്ങള്ക്കൊപ്പമുണ്ട്. അമേരിക്കന് ക്യാപിറ്റല് ബില്ഡിങ് കവാടം, അത്യാധുനിക അമ്യൂസ്മെന്റ് പാര്ക്ക്, വിവിധ സ്ഥാപനങ്ങള്, വ്യത്യസ്ത ഉല്പന്നങ്ങള് & ഷോപ്പിങ്മേള, ഇന്ത്യയിലെ നാനാഭാഗങ്ങളില് നിന്നുമുളള വിവിധതരം സ്റ്റാളുകള്, കര്ശനമായ ഗുണനിലവാരപരിശോധനയ്ക്ക് വിധേയമാക്കിയിട്ടുളള സ്വാദിഷ്ട ഭക്ഷ്യവിഭവങ്ങളുടെ ചേരുവയുമായി ഫുഡ് കോര്ട്ടുകള്, ഫ്ളവര് ഷോ തുടങ്ങിയവ ഉള്പ്പെടുന്നതാണ് മേള. ഇവ കണ്ണൂര് നിവാസികള്ക്ക് ഒരു പുത്തന് അനുഭവം നല്കും എന്ന കാര്യത്തില് സംശയമില്ല. കണ്ണൂര് പോലീസ് മൈതാനത്ത് ദിവസേനവൈകുന്നേരം 4 മണി മുതല് രാത്രി 9 മണി വരെയും ശനി, ഞായര് മറ്റ് ഒഴിവ് ദിനങ്ങളില് വൈകുന്നേരം 3 മണി മുതല് രാത്രി 9മണി വരെയുമാണ് പ്രദര്ശനം.
പ്രതികരിക്കാൻ ഇവിടെ എഴുതുക: