കളമശ്ശേരി: യുവമോര്ച്ച നേതാവിന്റെ വീടിനു മുന്നില് റീത്ത് വച്ചതായി പരാതി. കളമേശ്ശരി തേവക്കല് സ്വദേശി വൈശാഖിന്റെ വീട്ടിലാണ് ഇന്നലെ രാത്രി ആരോ റീത്ത് കൊണ്ടുവന്ന് വച്ചത്.
വൈശാഖ് യുവമോര്ച്ച ആലുവ മണ്ഡലം സെക്രട്ടറിയാണ്. എടത്തല പോലീസില് പരാതി നല്കിയെങ്കിലും ഇതുവരെ സ്ഥലത്ത് എത്തിയിട്ടില്ല. പ്രത്യേകിച്ച് രാഷ്ട്രീയ പ്രശ്നങ്ങള് ഇല്ലാതിരുന്ന സ്ഥലം ആയിരുന്നെങ്കിലും കഴിഞ്ഞ രണ്ടുമാസമായി സിപിഎമ്മിന്റെ കുറച്ചു പ്രവര്ത്തകര് സംഘര്ഷാവസ്ഥ സൃഷ്ടിക്കുന്നുണ്ടായിരുന്നെന്ന് വൈശാഖ് പറയുന്നു.
വൈശാഖിന്റെ സുഹൃത്തിന്റെ ബൈക്ക് മോഷണം പോയ സംഭവത്തില് പരാതി കൊടുത്തത് വിരോധത്തിന് കാരണമാകാമെന്നും ഇദ്ദേഹം പറയുന്നു. സംഭവം നടന്ന രാത്രി വീട്ടില് വൈശാഖിന്റെ അമ്മയും, അമ്മൂമ്മയും ഭാര്യയും ഉണ്ടായിരുന്നു.
ഡാന്സര് കൂടിയായ വൈശാഖ് പരിപാടി കഴിഞ്ഞു 12.30 ഓടെയാണ് വീട്ടില് എത്തിയത്. അപ്പോള് സംഭവം നടന്നിട്ടില്ല വെളുപ്പിന് അമ്മ വാതില് തുറന്നപ്പോളാണ് പൂമുഖത്ത് റീത്ത് വച്ചിരിക്കുന്നത് കണ്ടത്.
പ്രതികരിക്കാൻ ഇവിടെ എഴുതുക: