കണ്ണൂര്: കേരള സംസ്ഥാന പരിവര്ത്തിത ക്രൈസ്തവ ശുപാര്ശിത വിഭാഗ വികസന കോര്പ്പറേഷന്, പട്ടികജാതിയില് നിന്നും ക്രിസ്തുമതത്തിലേക്ക് പരിവര്ത്തനം ചെയ്തിട്ടുളളവര്, പട്ടികജാതിയിലേക്ക് ശുപാര്ശ ചെയ്തിട്ടുളള വിഭാഗത്തില്പ്പെട്ടവര് ഒ ഇ സി മാത്രം(മുന്നോക്ക/പിന്നോക്ക വിഭാഗങ്ങളിലെ മറ്റു ജാതിക്കാര് അര്ഹരല്ല) എന്നിവര്ക്കായി ഡിഗ്രി, പി ജി പ്രൊഫഷണല് കോഴ്സുകളുടെ പരീക്ഷകളില് 60 ശതമാനത്തില് കൂടുതല് മാര്ക്ക് വാങ്ങി പാസായ വിദ്യാര്ത്ഥികളില് നിന്നും വിദ്യാഭ്യാസ പ്രോത്സാഹന സമ്മാനത്തിന് അപേക്ഷ ക്ഷണിച്ചു. അപേക്ഷാ ഫോറം അക്ഷയ കേന്ദ്രങ്ങളിലൂടെ ലഭിക്കും. പൂരിപ്പിച്ച അപേക്ഷകള് ജാതി സര്ട്ടിഫിക്കറ്റിന്റെ അസ്സല്, മാര്ക്ക് ലിസ്റ്റിന്റെ ഗസറ്റഡ് ഓഫീസര് സാക്ഷ്യപ്പെടുത്തിയ പകര്പ്പ്, 5 രൂപയുടെ സ്റ്റാമ്പ് പതിച്ച് സ്വന്തം മേല്വിലാസം എഴുതിയ കവര് ഉള്പ്പെടെ കോര്പ്പറേഷന്റെ റീജ്യണല് ഓഫീസില് ഡിസംബര് 31 നകം ലഭിക്കണം. കണ്ണൂര്, കാസര്കോട്, വയനാട്, കോഴിക്കോട്, മലപ്പുറം, പാലക്കാട്, തൃശ്ശൂര് ജില്ലയിലുളളവര് റീജിയണല് മാനേജര്, കേരള സംസ്ഥാന പരിവര്ത്തിത ക്രൈസ്തവ ശുപാര്ശിത വിഭാഗ വികസന കോര്പ്പറേഷന്, ശാസ്ത്രി നഗര് കോംപ്ലക്സ്, ജില്ലാ സഹകരണ ആശുപത്രിക്ക് സമീപം, എരഞ്ഞിപ്പാലം പി ഒ, കോഴിക്കോട് എന്ന വിലാസത്തിലാണ് അപേക്ഷിക്കേണ്ടത്. ഫോണ്: 0495 2367331.
പ്രതികരിക്കാൻ ഇവിടെ എഴുതുക: