കണ്ണൂര്: ഗണേശ സേവാകേന്ദ്രത്തിന്റെ ആഭിമുഖ്യത്തില് സാര്വ്വജനീക ഗണേശോത്സവം 25 മുതല് 27 വരെ വിവിധ ക്ഷേത്രങ്ങളുടെയും മഠങ്ങളുടെയും ഗ്രാമ കൂട്ടായ്മകളുടെയും സംയുക്താഭിമുഖ്യത്തില് വിവിധ പരിപാടികളോടെ കണ്ണൂരില് ആഘോഷിക്കും. 25 ന് രാവിലെ 4 മണിക്ക് കണ്ണൂര് പിള്ളയാര് കോവിലില് ഗണപതിവിഗ്രഹം അലങ്കരിച്ചിരുത്തും. 5 മണിക്ക് അഷ്ടദ്രവ്യഗണപതിഹോമം, തുടര്ന്ന് മറ്റ് പൂജകള്, 26 ന് രാവിലെ 4 മണിക്ക് ഗണപതിഹോമം, 8 മണിക്ക് ഗണപതി സഹസ്രനാമം, 11 മണിക്ക് മഹാദീപാരാധന, 12 മണിക്ക് അന്നദാനം, വൈകുന്നേരം 6.30 ന് കണ്ണൂര് ആഞ്ജനേയ ഭജനസമിതിയുടെ ഭജന, രാത്രി 8 മണിക്ക് അത്താഴപൂജ, 27 ന് രാവിലെ 4 മണിക്ക് ഗണപതിഹോമം, 6.30 ന് മഹാപൂര്ണാഹുതി, മഹാദീപാരാധന, 12 മണിക്ക് ഉച്ചപൂജ, വൈകുന്നേരം 3 മണിക്ക് ഗണപതി ദീപാരാധന, 3.30 ന് ചെണ്ടമേളശിഖാമണി പരേതനായ പി.സി.ഗംഗാധരന് ഗുരുക്കളുടെ ശിഷ്യന് നയിക്കുന്ന ചെണ്ടമേളത്തോടു കൂടിയുള്ള ഗണേശവിഗ്രഹ സംഗമ ഘോഷയാത്ര എന്നിവ നടക്കും. ഘോഷയാത്ര താളിക്കാവ് മൈതാനിയില് സ്വാമി അമൃതകൃപാനന്ദപുരി ഉദ്ഘാടനം ചെയ്യും. ഘോഷയാത്ര മുനീശ്വരന് കോവില്, സ്റ്റേഷന് റോഡ്, ഫോര്ട്ട് റോഡ്. ബാങ്ക് റോഡ്, മുത്തുമാരിയമ്മന് കോവില്, കൃഷ്ണന് കോവില്, കാമാക്ഷിയമ്മന് കോവില്, പിള്ളയാര് കോവില് എന്നിവിടങ്ങളിലെ സ്വീകരണങ്ങള്ക്ക് ശേഷം നാരായണപാര്ക്ക് വഴി പയ്യാമ്പലം കടപ്പുറത്തെത്തും. കടപ്പുറത്ത് നടക്കുന്ന സമാപന സംഗമത്തില് കെ.എന്.രാധാകൃഷ്ണന് മാസ്റ്റര് പ്രഭാഷണം നടത്തും. തുടര്ന്ന് ഗണപതി പൂജ, മഹാ ആരതി എന്നിവക്ക് ശേഷം ഗണേശവിഗ്രഹങ്ങള് കടലില് നിമജ്ജനം ചെയ്യും. ഗണേശസേവാകേന്ദ്രം കണ്ണൂര്, ഹിന്ദു സേവാസമിതി പയ്യാമ്പലം, ഗണേശസേവാ സംഘം താളിക്കാവ്, വിവേകാനന്ദ ബ്രദേഴ്സ് താണ, മാതാ അമൃതാനന്ദമയീ മഠം പനങ്കാവ്, ഗണേശസേവാ സമിതി പന്നേന്പാറ, വിവേകാനന്ദ സാംസ്കാരിക സമിതി തളാപ്പ്, വീരശിവജി സേവാകേന്ദ്രം കക്കാട്, ചൊവ്വ മഹാശിവക്ഷേത്രം, കിഴുത്തള്ളി ഉമാമഹേശ്വരക്ഷേത്രം, ആയിക്കര ദണ്ഡമാരിയമ്മന് സേവാസമിതി, ശിവജി സേവാ സമിതി പട്ടേല്റോഡ്, ഗണേശസേവാ സംഘം കാപ്പാട്, ഇരിവേരി, ഗണേശസേവാ സമിതി-താഴെചൊവ്വ, കോട്ടൂര്, എടച്ചൊവ്വ, ഐവര്കുളം, തയ്യില്, ആദികടലായി, കുറുവ, അശോക കമ്പനി, കണ്ണൂക്കര, ഓലച്ചേരിക്കാവ്, പുല്ലൂപ്പി, കണ്ണാടിപ്പറമ്പ്, അഴീക്കല്, ചാല, കുന്നാവ്, ചിറക്കല്, തോട്ടട, വളപട്ടണം, കുഞ്ഞിപ്പള്ളി, വാരം, വലിയന്നൂര്, കാഞ്ഞിര, കീച്ചേരി, ഒറ്റത്തെങ്ങ്, മണല്, കൊറ്റാളി, ചൊവ്വ യാദവത്തെരു, ചാലോട്, മുഴപ്പാല, കണ്ണാടിപ്പറമ്പ്, എളയാവൂര്, പടുവിലായി, തെക്കിബസാര്, ദ്രൗപതിയമ്മന് കോവില്, പള്ളിക്കുന്ന്, തുളിച്ചേരി തുടങ്ങിയ സ്ഥലങ്ങളില് നിന്നാണ് നിമജ്ജന ഘോഷയാത്രയില് രഥങ്ങള് പങ്കെടുക്കുക.
പ്രതികരിക്കാൻ ഇവിടെ എഴുതുക: