പള്ളിക്കത്തോട്: അഖില കേരള വിശ്വകര്മ മഹാസഭ അകലക്കുന്നം താലൂക്ക് യൂണിയന്റെ നേതൃത്വത്തില് ഋഷിപഞ്ചമി ആഘോഷം 26ന് യൂണിയന് അങ്കണത്തില് നടത്തും. രാവിലെ ഒന്പതിനു മഹാശോഭായാത്ര, 11നു പൊതുസമ്മേളനം, ബോര്ഡ് മെംബര് കെ.ജി. ഭാസ്കരന്റെ അദ്ധ്യക്ഷതയില് ഡോ. എന്.ജയരാജ് എംഎല്എ ഉദ്ഘാടനം ചെയ്യും. പഞ്ചായത്ത് പ്രസിഡന്റ് ജിജി അഞ്ചാനി സ്കോളര്ഷിപ്പ് വിതരണം ചെയ്യും.
മീനടം: അഖിലകേരള വിശ്വകര്മ്മ മഹാസഭ മീനടം ശാഖയുടെ നേതൃത്വത്തില് ഋഷിപഞ്ചമി മഹോത്സവും കുടുംബസംഗമവും 26ന് രാവിലെ 8.30ന് നടക്കും. ശാഖാ പ്രസിഡന്റ് ഇ.എം.നാരായണന് ധ്വജാരോഹണം നടത്തും. ഉച്ചകഴിഞ്ഞ് 2ന് നടക്കുന്ന കുടുംബസംഗമത്തിന്റെ ഉദ്ഘാടനം കോട്ടയം യൂണിയന് ജോ.സെക്രട്ടറി കെ.വി.സദാശിവന് നിര്വ്വഹിക്കും. ആദ്യകാല പ്രവര്ത്തകരെ ചടങ്ങില് ആദരിക്കും.
ചങ്ങനാശേരി: അഖിലകേരള വിശ്വകര്മ്മ മഹാസഭ ചങ്ങനാശേരി താലൂക്ക് യൂണിയന് ഋഷിപഞ്ചമി മഹോത്സവം 26ന് ശാഖാതലങ്ങളില് നടത്തും. ആഘോഷത്തിന്റെ ഭാഗമായി നടത്തുന്ന രഥഘോഷയാത്ര എകെവിഎംഎസ് തുരുത്തി ശ്രീരക്തേശ്വരി ദേവിക്ഷേത്രസന്നിധിയില്നിന്ന് രാവിലെ 8.45ന് ആരംഭിച്ച് നീലംപേരൂര്, കുറിച്ചി, വെരൂര്, വാകത്താനം, തൃക്കൊതമംഗലം, പരിയാരം, പുതുപ്പള്ളി, തോട്ടക്കാട്, പൊങ്ങന്താനം, പാലമറ്റം, ചമ്പക്കര, കാനം, വാഴൂര്, മണിമല, വടകര കുന്നുംഭാഗം, കങ്ങഴ, കറുകച്ചാല്, പനയമ്പാല, കൂത്രപ്പള്ളി, നടയ്ക്കപ്പാടം, പന്പുഴ, മാടപ്പള്ളി, വെങ്കോട്ട, അമര, പായിപ്പാട്, നാലുകോടി, തൃക്കൊടിത്താനം, വേഴയ്ക്കാട്ട് ശ്രീകൃഷ്ണസ്വാമി ക്ഷേത്രം, മധുമൂല അന്നപൂര്ണ്ണേശ്വരിക്ഷേത്രം, വാഴപ്പള്ളി മഹാദേവക്ഷേത്രം, തിരുവെങ്കിടപുരം മഹാവിഷ്ണുക്ഷേത്രം എന്നിവിടങ്ങളില്നിന്ന് സ്വീകരണങ്ങള് ഏറ്റുവാങ്ങി വൈകിട്ട് 8.30ന് മധുമൂല ശാഖയുടെ സ്വീകരണത്തോടെ യൂണിയന് ഓഫീസില് പര്യവസാനിക്കും. യൂണിയന് പ്രസിഡന്റ് ഇ.വി. ജയപ്രസാദ് ഉദ്ഘാടനം ചെയ്യുന്ന ഘോഷയാത്രയില് സെക്രട്ടറി കെ.വി. ഗോപാലകൃഷ്ണന്, ഖജാന്ജി വി.കെ. ബാബു, മഹിളാസമാജം സംസ്ഥാന പ്രസിഡന്റ് കുമാരി കെ.വി. സരസമ്മ എന്നിവര് അകമ്പടി സേവിക്കും.
പ്രതികരിക്കാൻ ഇവിടെ എഴുതുക: