കണ്ണൂര്: ജെസിഐ, ടെലിച്ചറി ഗോള്ഡന് ഡ്രീംസ് എന്നിവ സംയുക്തമായി സംഘടിപ്പിക്കുന്ന മുഴപ്പിലങ്ങാട് ബീച്ച് ഫിയസ്റ്റ 31ന് തുടങ്ങും. വൈകീട്ട് അഞ്ചിന് എ.എന്. ഷംസീര് എംഎല്എ ഉദ്ഘാടനം ചെയ്യും. ജില്ലാകലക്ടര് മീര് മുഹമ്മദലി, മുഴപ്പിലങ്ങാട് ഗ്രാമപഞ്ചായത്ത് പ്രസിഡന്റ് എം.പി.ഹാബിസ്, ചലച്ചിത്ര അക്കാദമി അംഗം പ്രദീപ് ചൊക്ലി തുടങ്ങിയവര് പങ്കെടുക്കും. തുടര്ന്ന് വിശാഖയും സംഘവും അവതരിപ്പിക്കുന്ന ഗാനമേള.
ജെസിഐയുടെ വിവിധ സാമൂഹ്യസേവന പദ്ധതികളുടെ ധനശേഖരണാര്ത്ഥം സംഘടിപ്പിക്കുന്ന പരിപാടിയില് വിവിധ പ്രദര്ശനങ്ങള്, വാണിജ്യ സ്റ്റാളുകള്, അമ്യൂസ്മെന്റ് പാര്ക്ക്, ഭക്ഷ്യമേള, വിവിധ മത്സരങ്ങള്, കലാപരിപാടികള് എന്നിവ ഒരുക്കിയിട്ടുണ്ട്. സെപ്തംബര് ഒന്നിന് വൈകീട്ട് ഏഴിന് സലീം കോടത്തൂരും സംഘവും അവതരിപ്പിക്കുന്ന ഗാനമേള, രണ്ടിന് 4.30 ന് പുഷ്പരാജ, റാണി മത്സരം, തുടര്ന്ന് ഗാനമേളയും കോല്ക്കളിയും. നാലിന് ഏഴ് മണിക്ക് തൃശ്ശൂര് ഓണ് ദി സ്പോട്ട് അവതരിപ്പിക്കുന്ന നൃത്തനിശ, അഞ്ചിന് ഐഡിയ സ്റ്റാര് സിംഗര് ഫെയിം ദീപക് നയിക്കുന്ന ഗാനമേള, അഞ്ച്, ആറ്, ഏഴ് തിയ്യതികളില് കൊച്ചിന് കൈറ്റ് ലൈഫ് ഫൗണ്ടേഷന്റെ സഹകരണത്തോടെ പട്ടം പറത്തല് മഹോത്സവം എന്നിവ നടക്കും. ദക്ഷിണേന്ത്യയിലെ പ്രമുഖ പട്ടംപറത്തല് വിദഗ്ധര് പങ്കെടുക്കും. പട്ടങ്ങളിലെ പഴമയും ആധുനികതയും പരിചയപ്പെടുത്തും. അഞ്ചിന് കുട്ടികള്ക്കായി പട്ടം നിര്മാണ പരിശീലനം നടക്കും. ഏഴിന് വൈകീട്ട് നാലരക്ക് പുഞ്ചിരി മത്സരം നടക്കും. എട്ടിന് മൂന്നരക്ക് പാചകമത്സരം, നാലരക്ക് പ്രച്ഛന്ന മത്സരം എന്നിവ നടക്കും. തുടര്ന്ന് സജ്ല സലീം, സജിലി സലീം, സലീജ് സലീം എന്നിവര് നയിക്കുന്ന ഗാനമേള, ഒമ്പതിന് മൂന്നരക്ക് മൈലാഞ്ചിയിടല് മത്സരം, നാലരക്ക് ഇരട്ടകളുടെ സംഗമം, രാത്രി ഏഴിന് എരഞ്ഞോളി മൂസയും സംഘവും അവതരിപ്പിക്കുന്ന ഗാനമേള എന്നിവയുണ്ടാകും. പത്തിന് സമാപിക്കും. വൈകീട്ട് മൂന്നരമുതല് രാത്രി ഒമ്പത് വരെയാണ് പ്രദര്ശനം. വാര്ത്താസമ്മേളനത്തില് ഡോ ഹരിവിശ്വജിത്ത്, ഡോ ഹാനിഷ് ഹനീഫ എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: