കൊച്ചി: മുസ്ലിം മഹല്ല് ഏകോപനസമിതിയുടെ പേരില് പറവൂരില് കലാപത്തിന് എസ്ഡിപിഐയുടെ നീക്കം. മതസ്പര്ധ വളര്ത്തുന്ന ലഘുലേഖ വിതരണം ചെയ്തതിന് വിസ്ഡം ഗ്ലോബല് മിഷന് പ്രവര്ത്തകര് അറസ്റ്റിലായ സംഭവത്തിന്റെ പേരിലാണ് സമാധാനാന്തരീക്ഷം തകര്ക്കാന് എസ്ഡിപിഐ നീക്കം നടത്തുന്നത്.
മുസ്ലിം മഹല്ല് ഏകോപനസമിതിയുടെ പേരില് ഇന്ന് പറവൂരില് പ്രതിഷേധപ്രകടനം നടക്കും. ഇതിന് ചുക്കാന് പിടിക്കുന്നത് എസ്ഡിപിഐയാണ്. പോലീസിനെ പ്രതിരോധത്തിലാക്കി മതപരിവര്ത്തന നീക്കത്തെ വെള്ളപൂശാനാണ് ശ്രമം. മതപരിവര്ത്തനം തങ്ങളുടെ അവകാശമാണെന്ന പ്രചാരണമാണ് ഇവര് നടത്തുന്നത്. നേരത്തെ അഖില കേസില് മുസ്ലിം ഏകോപനസമിതിയുടെ പേരില് ഹൈക്കോടതിയിലേക്ക് നടത്തിയ മാര്ച്ചില് പോലീസിന് നേരെ ആക്രമണം അഴിച്ചുവിട്ടിരുന്നു. ഹൈക്കോടതി ജഡ്ജിമാര്ക്കെതിരെ ഭീഷണി മുഴക്കി. സംഭവത്തില് മൂവായിരംപേര്ക്കെതിരെ പോലീസ് കേസെടുത്തു. അറസ്റ്റിലായവരെല്ലാം എസ്ഡിപിഐ പ്രവര്ത്തകരായിരുന്നു.
ഹിന്ദുക്കള് തിങ്ങിപ്പാര്ക്കുന്ന മൂത്തകുന്നം പ്രദേശത്ത് വീടുകളില് വിതരണം ചെയ്ത ലഘുലേഖകള് ഹിന്ദുവിശ്വാസത്തെ അപഹസിക്കുന്ന തരത്തിലുള്ളതായിരുന്നു. ബഹുദൈവ ആരാധനയെ വിമര്ശിച്ചും ഏകദൈവ വിശ്വാസത്തിലേക്ക് ക്ഷണിച്ചും വീടുകള്തോറും പ്രചാരണം നടത്തുന്നതിനെ മതസ്വാതന്ത്ര്യത്തിന്റെ പേരില് ന്യായീകരിക്കാനാണ് മതതീവ്രവാദ സംഘടനകള് ശ്രമിക്കുന്നത്. പോലീസിന്റെ ഇടപെടല് മൂലമാണ് പ്രദേശത്ത് സംഘര്ഷം ഒഴിവാക്കാനായത്.
പ്രതികരിക്കാൻ ഇവിടെ എഴുതുക: