ഇടുക്കി: എക്സൈസ് സ്പെഷ്യല് സ്ക്വാഡ് സംഘം 435 ലിറ്റര് കോടയും വാറ്റുപകരണങ്ങളും പിടികൂടി. പൈനാവ് 56 കോളനി കുറ്റിച്ചിറ സിബിളിന്റെ പുരയിടത്തിന് സമീപമുള്ള വനത്തില് നിന്നുമാണ് വാറ്റുപകരണങ്ങളും കോടയും പിടികൂടിയത്.
ഡെപ്യൂട്ടി എക്സൈസ് കമ്മീഷണര്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില് ഇടുക്കി എക്സൈസ് എന്ഫോഴ്സ്മെന്റ് ആന്റ് നാര്ക്കോട്ടിക് സ്പെഷ്യല് സ്ക്വാഡിലെ എക്സൈസ് സര്ക്കിള് ഇന്സ്പെക്ടര് റ്റി എ അശോക് കുമാറിന്റെ നേതൃത്വത്തില് എക്സൈസ് ഇന്റലിജന്സും സംഘവും ഇടുക്കി റേഞ്ച് സംഘവും ചേര്ന്നാണ് പരിശോധന നടത്തിയത്. ഓണത്തോടനുബന്ധിച്ച് പൈനാവ് ഭാഗത്ത് വില്പ്പനയക്കായി ചാരായം നിര്മ്മിക്കുന്നതിന് സൂക്ഷിച്ചിരുന്ന കോടയാണ് കണ്ടെടുത്തത്.
പ്രതികളെ കുറിച്ച് വ്യക്തമായ സൂചന ലഭിച്ചുണ്ടെന്നാണ് വിവരം. ഇടുക്കി എക്സൈസ് ഇന്റലിജന്സ് വിഭാഗം പ്രതികളെക്കുറിച്ച് അന്വേഷണം ആരംഭിച്ചു. ഇത്തരത്തിലുള്ള പ്രവര്ത്തനങ്ങള് ശ്രദ്ധയില്പ്പെട്ടാല് 04862 232469, 9400069532, 04862 222493 എന്നീ നമ്പറുകളില് അറിയിക്കേണ്ടതാണ്.
പ്രതികരിക്കാൻ ഇവിടെ എഴുതുക: