ബഗ്ദാദ്: ഇറാഖിൽ ഐഎസിന് അടിപതറുന്നു. സുരക്ഷാ താവളങ്ങൾ ഒന്നൊന്നായി നഷ്ട്മായിക്കൊണ്ടിരിക്കുന്ന അവർ പരാജയത്തിന്റെ വക്കിലാണെന്ന് അമേരിക്കന് പ്രതിരോധ സെക്രട്ടറി ജിം മാറ്റിസ്.ഇറാഖ് സന്ദര്ശനം നടത്തിയ അദ്ദേഹം ഇറാഖി നേതാക്കളുമായും യു.എസ് സൈനിക പ്രതിനിധികളുമായും നടത്തിയ ചര്ച്ചയിലാണ് ഇക്കാര്യം വ്യക്തമാക്കിയത്.
ഇറാഖും സിറിയയുടെയും അതിര്ത്തി പ്രദേശങ്ങളില് മാത്രമാണ് ഭീകരര്ക്ക് ഇപ്പോള് അല്പമെങ്കിലും പിടിച്ചുനില്ക്കാന് സാധിക്കുന്നത്. എന്നാൽ ഇറാഖിന്റെയും സിറിയയുടെയും സൈന്യങ്ങള് ഇരുഭാഗത്ത് നിന്നും ഇവരെ തുരത്തിയോടിക്കുകയാണെന്ന് അദ്ദേഹം പറഞ്ഞു.
അമേരിക്കന് സൈനികരുടെ പിന്തുണയോടെയാണ് ഇറാഖിലെ സുപ്രധാന നഗരമായ മൗസിലില് നിന്ന് ഐ.എസ് ഭീകരരെ ഇറാഖി സൈന്യം തുരത്തിയത്. ഇറാഖിലെ അവസാന കേന്ദ്രമായ താല് അഫാറിലെ ഏതാനും ജില്ലകള് ഇതിനകം അവരില് നിന്ന് മോചിപ്പിക്കാനും സാധിച്ചു. സിറിയയിലാവട്ടെ, റഷ്യയുടെ പിന്തുണയോടെയാണ് ഐ.എസിനെതിരേ സൈന്യം പോരാട്ടം നടത്തുന്നത്.
പ്രതികരിക്കാൻ ഇവിടെ എഴുതുക: