ചാലക്കുടി: കൊരട്ടിയിലെ വ്യാപാര സ്ഥാപനങ്ങളില് വീണ്ടും വ്യാപക മോഷണം. നിരവധി സ്ഥാപനങ്ങളില് മോഷണ ശ്രമവും.
25000 ത്തിലധികം രൂപ മോഷണം പോയി. ജംഗ്ഷനിലുള്ള ഏയ്ഞ്ചല് ലോട്ടറി ഏജന്സി, ബേബി ബ്രദേഴ്സ് ടെക്സ്റ്റൈയില്, രണ്ട് മെഡിക്കല് ഷോപ്പ് എന്നിവിടങ്ങളില് ഷട്ടറിന്റെ പൂട്ട് പൊളിച്ചാണ് മോഷണം നടത്തിയിരിക്കുന്നത്. ലോട്ടറി കടയില് നിന്ന് 22,000 രൂപയാണ് മോഷണം പോയിരിക്കുന്നത്.
നിരവധി സ്ഥാപനങ്ങളില് പൂട്ട് പൊളിച്ച് അകത്ത് കടക്കാനും ശ്രമം നടത്തിയിട്ടുണ്ട്. മെഡിക്കല് ഷോപ്പിലെ സിസിടിവി ക്യാമറിയില് മോഷ്ടാവിന്റെ ചിത്രം തെളിഞ്ഞിട്ടുണ്ട്. കൊരട്ടി എസ്.ഐ കെ.എസ്.സുബീഷ് മോന്റെ നേതൃത്വത്തില് പോലിസ് സ്ഥലത്തെത്തി പരിശോധന നടത്തി.
മുഖം തിരിച്ചറിയാതിരിക്കുവാന് മുഖത്ത് മുണ്ട് കെട്ടിയാണ് മോഷണം നടത്തിയിരിക്കുന്നത്.
രണ്ട് മാസത്തിനുള്ളില് കൊരട്ടിയില് ഒട്ടേറെ മോഷണങ്ങളാണ് നടന്നത്.
നിരവധി ആരാധനലായങ്ങളില് മോഷണം നടന്നിട്ടും ഇതുവരെ ഒരു തുമ്പും പോലീസിന് ലഭിച്ചിട്ടില്ല. ജംഗ്ഷനില് പാര്ക്ക് ചെയ്തിരുന്ന മാരുതി കാര് മോഷണം പോയ സംഭവത്തിലും പ്രതികളെ പിടികൂടാനായിട്ടില്ല.
പ്രതികരിക്കാൻ ഇവിടെ എഴുതുക: