കൊല്ക്കത്ത: ഒളിമ്പിക്സിൽ ഇന്ത്യക്കായി ബൂട്ടണിഞ്ഞ മുന് ഫുട്ബോള് താരം അഹമ്മദ് ഖാൻ(91) അന്തരിച്ചു. വാർധക്യസഹജമായ അസുഖത്തെ തുടർന്ന് ബംഗളൂരുവിലെ വസതിയിലാണ് അന്ത്യം. കൊല്ക്കത്ത ഫുട്ബോളിലെ വിഖ്യാതമായ പഞ്ചപാണ്ഡവ സംഘത്തിലെ പ്രധാനിയായിരുന്നു അഹമ്മദ് ഖാന്.
ഈസ്റ്റ് ബംഗാളിന്റെ ഏക്കാലത്തേയും മികച്ച താരങ്ങളിൽ ഒരാളായിരുന്നു അഹമ്മദ് ഖാൻ. രിത്രത്തിലെ മികച്ച മുന്നേറ്റനിര താരങ്ങളിൽ ഒരാളായ അഹമ്മദ് ഖാൻ ക്ലബിനായി 62 ഗോൾ നേടിയിട്ടുണ്ട്. 1949-59 കാലഘട്ടത്തിൽ ഈസ്റ്റ് ബംഗാളിനായി കളിച്ചത്. 1948, 1952 വർഷങ്ങളിൽ നടന്ന ഒളിമ്പിക്സിൽ ഇന്ത്യക്കായി ബൂട്ടണിഞ്ഞു. 1952ൽ ഹെല്സിങ്കി ഒളിമ്പിക്സില് യൂഗോസ്ലാവിയയോട് ഒന്നിന് എതിരെ പത്തു ഗോളിന്റെ വൻതോല്വി ഏറ്റുവാങ്ങിയ ടീമില് ഖാനുണ്ടായിരുന്നു. അന്ന് ഇന്ത്യ നേടിയ ഏകഗോള് വലയിലാക്കിയത് ഖാനായിരുന്നു.
ഇന്ത്യയ്ക്ക് വേണ്ടി 11 മത്സരങ്ങളിൽ കളിച്ച ഖാൻ മൂന്ന് ഗോൾ നേടിയിട്ടുണ്ട്. 1951ലെ ഏഷ്യൻ ഗെയിംസിൽ സ്വർണമെഡൽ നേടിയ ഇന്ത്യൻ ടീമിൽ അംഗമായിരുന്നു.
പ്രതികരിക്കാൻ ഇവിടെ എഴുതുക: