ഇത് ഇഞ്ചിപ്പോലുളള ഒരു ചെടിയാണ്. ഇതു രണ്ടുതരമുണ്ട്. വെളളരത്ത, ചിറ്റരത്ത അഥവാ ചുന്നരത്ത
ശാസ്ത്രീയനാമം: ആല്പീനറിഡൈ
തമിഴ്: പേരരത്തൈ
സംസ്കൃതം: രാസ്താ, സുഗന്ധവചാ
ഇതില് ചുവന്നരത്തയ്ക്ക് ഗുണം കൂടുതല് എന്ന് വൃദ്ധ വൈദ്യര് പറയുന്നു.
എവിടെ കാണാം: കേരളത്തിലുടനീളം ഇതു നട്ടു വളര്ത്തുന്നു. സ്വാഭാവികമായി എങ്ങും വളരുന്നതായി പറഞ്ഞു കേട്ടിട്ടില്ല. ഞാന് കണ്ടിട്ടുമില്ല.
പുനരുല്പ്പാദനം: അരത്ത ഇഞ്ചി പോലുളള ഒരു ഭൂകാണ്ഡമാണ്. അതിന്റെ കിഴങ്ങിന്റെ ഓരോ കഷണങ്ങള് മുറിച്ച് ഇഞ്ചി നടുംപോലെ നട്ടു വളര്ത്താം.
ഔഷധ പ്രയോഗങ്ങള്: രാസ്നാദി കഷായം രാസ്നാദി ചൂര്ണ്ണം ഇവ വളരെ പ്രശസ്തമാണ്. രാസ്നാ എന്ന പേരിലാരംഭിക്കുന്ന എല്ലാ മരുന്നിലും രാസ്നാഅരത്തി ഉണ്ട് എന്ന് ചുരുക്കം. വാതരോഗത്തിലും ജഠര രോഗത്തിലും ശ്വാസകോശത്തിലും (ആസ്മാ) അരത്ത ഒഴിച്ചുകൂടാനാവാത്ത ഒരു മരുന്നാണ്.
1) അരത്ത, ചുക്ക്, കുരുമുളക്, തിപ്പലി, അക്കി, കറുക, ജാതിക്ക, ജാതിപത്രി, ഏലത്തരി, ആശാരിവയമ്പ്, പുഷ്കരമൂലം, മുത്തങ്ങ, ജീരകം, കരിംജീരകം ഇവ കരിക്കിന് വെളളത്തില് പുഴുങ്ങി അരച്ച് (സമത്തൂക്കം മരുന്നുകള് എടുക്കണം) തേനില് ചാലിച്ച് ( അല്പം ബ്രാണ്ടിയോ റമ്മോ ചേര്ത്താല് അത്യുത്തമം) കഴുത്തിലും നെഞ്ചിലും പുറത്തും തേച്ചാല് കുട്ടികളിലും എത്രപ്രായമായവരിലും ഉണ്ടാകുന്ന നെഞ്ചിലെ കഫക്കെട്ടും അതു മൂലമുണ്ടാകുന്ന ചുമയും ഞരങ്ങലും ഏങ്ങലും വളരെ പെട്ടെന്ന് ശമിക്കും. ആധുനിക ചികിത്സയില് അതിശക്തമായ ആന്റിബയോട്ടിക്കുകള് പോലും പരാജയപ്പെടുന്നിടത്ത് ഇതുവളരെ പ്രയോജനമുളളതായി ഞാന് കണ്ടിട്ടുണ്ട്.
2) അരത്ത, കര്ക്കടകശൃംഗി, മുത്തങ്ങ, ചെറുത്തേക്കിന് വേര്, കൊടിത്തുവവേര്, കച്ചൂലം, ചെറിത്തേക്കിന് വേര്, പുഷ്കരമൂലം, ആടലോടകവേര്, ചിറ്റമൃത്, കുമ്പിള് വേര്, കൂവളത്തിന് വേര്, പാതിരി വേര്, പലകപ്പയ്യാനി വേര,് മുഞ്ഞവേര്, ചുക്ക്, കുരുമുളക്, തിപ്പലി ഇവ 5 ഗ്രാം വീതം മൂന്നു ലിറ്റര് വെളളത്തില് വെന്ത് 400 മില്ലിയാക്കി വറ്റിച്ച് 100 മില്ലി വീതം കല്ക്കണ്ടവും തേനും മേമ്പൊടി ചേര്ത്ത് രാവിലെ വെറും വയറ്റിലും രാത്രി അത്താഴശേഷവും സേവിച്ചാല് എത്ര പഴകിയതും ഏതു പ്രായത്തിലുളളവരുടേയും ആസ്മ തീര്ച്ചയായും ശമിക്കും. പരാമാവധി 38 ദിവസം സേവിക്കണം.
3) ഉണക്ക മഞ്ഞള്, കുരുമുളക്, മുന്തിരിങ്ങാപ്പഴം, അരത്ത, തിപ്പലി, കച്ചൂലക്കിഴങ്ങ്, ഇവ സമം തൂക്കിയെടുത്ത് നന്നായിപ്പൊടിച്ച് ശര്ക്കര, എള്ളെണ്ണ ഇവയില് കുഴച്ച് 5 ഗ്രാം പൊടി ദിവസം രണ്ടു നേരം വീതം സേവിച്ചാല് എത്ര രൂക്ഷമായ ആസ്മയും ശമിക്കും തീര്ച്ച.
പ്രതികരിക്കാൻ ഇവിടെ എഴുതുക: