മുംബൈ: കനത്തമഴയെ തുടര്ന്ന് മുംബൈ നഗരത്തില് ഗതാഗതം സ്തംഭിച്ചു. നഗരത്തിന്റെ പ്രധാനഭാഗങ്ങളിലെല്ലാം വെളളം കയറിയിരിക്കുകയാണ്. റോഡുകള് പലതും വെള്ളത്തിനടിയിലായി. സിയോണ്, ദാദര്, മുംബൈ സെന്ട്രല്, കുര്ള, അന്തേരി, സാകിനാക തുടങ്ങിയ സ്ഥലങ്ങള് വെള്ളത്തിനടിയിലാണ്.
റെയില്- റോഡ് ഗതാഗതം തടസ്സപ്പെട്ടിട്ടുണ്ട്. പല ട്രെയിനുകളും വൈകിയാണ് ഓടുന്നത്. മുംബൈയില് നിന്നുള്ള ലോക്കല് ട്രെയിന് സര്വീസുകള് നിര്ത്തിവെച്ചു. രാജ്യാന്തര സര്വീസുകള് ഉള്പ്പെടെ നിരവധി വിമാനങ്ങള് സമയം വൈകി. കേരളത്തില് നിന്ന് കൊങ്കണ് വഴി പോകുന്ന ട്രെയിനുകളെയും മഴ ബാധിച്ചിട്ടുണ്ട്. ദല്ഹിയിലേക്ക് പോകുന്ന മംഗള എക്സ്പ്രസ് (12617) ബോംബെ കല്യാണ് ജങ്ഷനും ഗുസാവല് ജങ്ഷനും ഇടയില് വഴിതിരിച്ചുവിട്ടു. വിമാന സര്വ്വീസുകളെയും കാര്യമായി ബാധിച്ചിട്ടുണ്ട്. രാജ്യാനന്തര സര്വീസുകള് ഉള്പ്പെടെ നിരവധി വിമാനങ്ങള് സമയം വൈകി.
മുംബൈയില് 30.92 മില്ലീമീറ്റര് മഴയാണ് രേഖപ്പെടുത്തിയിരിക്കുന്നത്. അടുത്ത 48 മണിക്കൂറിനുള്ളില് നഗരത്തില് മഴ തുടരുമെന്നും അപകട സാധ്യതയുള്ളതിനാല് ജനങ്ങള് ജാഗ്രത പാലിക്കണമെന്നും കാലാവസ്ഥാ നിരീക്ഷണ വകുപ്പ് ബ്രിഹാന് മുംബൈ മുനിസിപ്പല് കോര്പ്പറേഷന് മുന്നറിയിപ്പ് നല്കി.
പ്രതികരിക്കാൻ ഇവിടെ എഴുതുക: