കൊച്ചി : മുന് പോലീസ് മേധാവി ടി പി സെന്കുമാറിനെ അടുത്ത മാസം 14വരെ അറസ്റ്റ് ചെയ്യരുതെന്ന് ഹൈക്കോടതി. കേസ് റദ്ദാക്കണമെന്ന ഹര്ജിയിലാണ് കോടതി നടപടി.
വ്യാജരേഖ ചമച്ച് അവധിയിലായിരുന്ന കാലത്തെ ശമ്പളം തട്ടിയെടുക്കാന് ശ്രമിച്ചെന്നാണ് സെന്കുമാറിനെതിരെയുള്ള ആരോപണം. വ്യാജരേഖ ചമച്ചു എന്നതുള്പ്പെടെ ജാമ്യമില്ലാ വകുപ്പുകള് ചുമത്തി നാല് കേസുകളാണ് സെന്കുമാറിനെതിരെ രജിസ്റ്റര് ചെയ്തിരിക്കുന്നത്.
2016 ജൂണില് സെന്കുമാറിനെ ഡിജിപി സ്ഥാനത്തുനിന്ന് നീക്കിയതിനെ തുടര്ന്ന് പിറ്റേന്നുതന്നെ അദ്ദേഹം അവധിയില് പ്രവേശിച്ചിരുന്നു. തുടര്ന്നുള്ള എട്ടുമാസങ്ങളില് പകുതി ശമ്പളത്തില് അവധി അനുവദിക്കണമെന്നു കാണിച്ച് പ്രത്യേകം അപേക്ഷ സെന്കുമാര് ചീഫ് സെക്രട്ടറിക്ക് നല്കി. അവധി കഴിഞ്ഞ് തിരിച്ചെത്തിയപ്പോഴാണ് മെഡിക്കല് ലീവായി പരിഗണിക്കാന് പ്രത്യേകം അപേക്ഷ നല്കിയത്. ഇത് വ്യാജമാണെന്നാണ് പരാതി.
പ്രതികരിക്കാൻ ഇവിടെ എഴുതുക: