പിലാത്തറ: ഓണാഘോഷം പൊടിപൂരമാക്കാന് ഗ്രാമങ്ങളില് വിപുലമായ പരിപാടികള്. വെള്ളോറ ടെമ്പിള് ബ്രദേഴ്സ് ഒന്നിന് ചുഴലി ഭഗവതി ക്ഷേത്ര പരിസരത്ത് പൂക്കള മത്സരം, കലാകായിക മത്സരങ്ങള് എന്നിവ നടത്തും. ഒമ്പതു മണിക്ക് ക്ഷേത്രം മേല്ശാന്തി കോട്ടൂര് നീലമന കൃഷ്ണന് നമ്പൂതിരി ഉദ്ഘാടനം ചെയ്യും.വൈകീട്ട് അഞ്ചിന് ശുദ്ധീകരിച്ച കുടിവെള്ള പദ്ധതിയുടെ ഉദ്ഘാടനം നടക്കും മത്സരത്തില് പങ്കെടുക്കുന്നവര് പേര് നല്കണം. ഫോണ്: 9961417369.
പുനിയങ്കോട് യങ്ങ് ഇന്ത്യ നാലിന് നീലിയാര് ഭഗവതി ക്ഷേത്രപരിസരത്ത് വടംവലി മത്സരം നടത്തും. പങ്കെടുക്കുന്നവര് റജിസ്ട്രര് ചെയ്യണം.9995652532, 9744164057.
വിളയാങ്കോട് നവോദയ കലാസമിതി ഉത്രാടം നാളില് സെന്റ് മേരീസ് എല്.പി.യില് രാവിലെ എട്ടിന് പൂക്കള മത്സരം കലാകായിക മത്സരങ്ങള്, രാത്രി ഏഴിന് സാംസ്കാരിക സദസ് തുടര്ന്ന് നൃത്തനൃത്യങ്ങള് എന്നിവ നടത്തും.
കോട്ടക്കുന്ന് എകെജി വായനശാല മൂന്ന് മുതല് പത്തുവരെ വിവിധ പരിപാടികള് നടത്തും. ഉത്രാടത്തിന് രാവിലെ ക്രോസ് കണ്ട്രി, പത്തു മണിക്ക് ക്വിസ്, മോബൈല് ഫോട്ടോമത്സരം, നാലിന് ഒമ്പതു മണിക്ക് പൂക്കള മത്സരം, നാല്മണിക്ക് ടയര് ഷൂട്ട് മത്സരം, അഞ്ചിന് ഒമ്പതു മണി മുതല് കലാകായിക മത്സരങ്ങള്, ആറിന് വൈകിട്ട് ആറിന് സിനിമാ ദര്ശനം, പത്തിന് രാവിലെ എട്ടു മുതല് ജൂനിയര് വോളി എന്നിവ നടക്കും.
പെരിയാട്ട് ബിടിആര് മന്ദിരവും കൃഷ്ണപിള്ള വായനശാലയും അഞ്ചിന് രാവിലെ പൂക്കള മത്സരവും ഒമ്പത് മണിക്ക് കലാകായിക മത്സരങ്ങളും നടത്തും. രാത്രി ഏഴിന് സാംസ്കാരിക സദസ് എ.വി.രഞ്ജിത്ത് ഉദ്ഘാടനം ചെയ്യും
കടന്നപ്പള്ളി വേദി കലാകായിക സമിതി അഞ്ചിന് ഓണനിലാവ് നടത്തും. പത്തു മണിക്ക് കലാകായിക മത്സരങ്ങള്, വൈകീട് അഞ്ചു മണിക്ക് കമ്പവലി മത്സരം തുടര്ന്ന് അനുമോദന സദസ്.
അതിയടം ചെന്താര അഞ്ചിന് രാവിലെ ഒമ്പതു മണിക്ക് കലാകായിക മത്സരങ്ങള്, രാത്രി ഏഴിന് സമ്മാനദാനം പായസ ദാനം എന്നിവയുണ്ടാകും.
പറവൂര് കരുണ സ്വയം സഹായ സംഘത്തിന്റെ പൊന്നോണം 17 പറവൂര് എ .എല് .പി യില് ആറിന് നടക്കും. ഒമ്പതു മണിക്ക് കുമാരന് അന്തിത്തിരിയന് ഉദ്ഘാടനം ചെയ്യും.തുടര്ന്ന് കലാ കായിക മത്സരങ്ങള് നടക്കും.
യുവമൈത്രി ചെറുതാഴത്തിന്റെ ഓണോത്സവം നാലിനും ഒമ്പതിനും നടക്കും. തിങ്കളാഴ്ച രാവിലെ വീടുകളില് പൂക്കള മത്സരം. ഒമ്പതിന് യുവമൈത്രി ഗ്രന്ഥാലയ പരിസരത്ത് കലാകായിക മത്സരങ്ങള് നടക്കും.
പ്രതികരിക്കാൻ ഇവിടെ എഴുതുക: