മുക്കം: കക്കാടംപൊയിലിലെത്തുന്ന വിനോദ സഞ്ചാരികള്ക്ക് മര്ദ്ദനമേല്ക്കുന്നത് പതിവാകുന്നു. കഴിഞ്ഞ രണ്ട് ആഴ്ചയ്ക്കിടെ അഞ്ചോളം സംഘങ്ങള്ക്കാണ് മര്ദ്ദനമേറ്റത്. മര്ദ്ദനം നടത്തുന്ന ഗുണ്ടകള്ക്ക് തിരുവമ്പാടി പോലീസ് സംരക്ഷണം നല്കുന്നതായും ആക്ഷേപമുണ്ട്.
പി.വി.അന്വര് എംഎല് എയുടെ വിവാദമായ പാര്ക്കിന് പരിസരത്തെത്തുന്ന നിരവധി യുവാക്കളെയാണ് നാട്ടുകാരെന്ന വ്യാജേനയെത്തുന്ന ചിലര് മാരകമായി ആക്രമിക്കുന്നത്. കഴിഞ്ഞ ഏതാനും ദിവസമായി നിരവധി സംഭവങ്ങളാണ് ഇത്തരത്തില് റിപ്പോര്ട്ട് ചെയ്തത്. കഴിഞ്ഞ ദിവസം ഇവിടെയെത്തിയ കൊടിയത്തൂര് സ്വദേശികളായ നാല് യുവാക്കള്ക്ക് ക്രൂരമായ മര്ദ്ദനമാണേറ്റത്. ഇതില് ഒരാളുടെ മൂക്ക് അക്രമികള് തല്ലിതകര്ത്തു. ഇവര് മെഡിക്കല് കോളേജ് ആശുപത്രിയില് ചികിത്സയിലാണ്. ഒരാഴ്ച മുമ്പ് അരീക്കോട് സ്വദേശികളായ വിനോദ സഞ്ചാരികള്ക്കും മര്ദനമേറ്റിരുന്നു. ക്യാമറയുമായെത്തുന്നവര്ക്കാണ് കൂടുതലായും മര്ദ്ദനമേല്ക്കുന്നത്. ഇവര് പാര്ക്കിന്റെ ദൃശ്യങ്ങള് പകര്ത്തുന്നുവെന്ന് തെറ്റിദ്ധരിച്ചാണ് ആക്രമണം
ആക്രമിച്ചെന്ന പരാതിയുമായി തിരുവമ്പാടി സ്റ്റേഷനിലെത്തുന്നവരെ പോലീസുകാര് ഭീഷണിപ്പെടുത്തി തിരിച്ചയക്കുന്നതായും പരാതിയുണ്ട് .കക്കാടംപൊയിലിലെ പാര്ക്ക് വിവാദമായതോടെ ഇവിടെ എത്തി പാര്ക്കും പരിസരവും മൊബൈല് ഫോണില് ചിത്രീകരിക്കുന്നവരെ പോലും അക്രമിക്കാന് ചിലര്ക്ക് ക്വട്ടേഷന് നല്കിയതായും ആരോപണമുണ്ട്.
പ്രതികരിക്കാൻ ഇവിടെ എഴുതുക: