കോട്ടയം: ‘സുരക്ഷിത ബാല്യം സുകൃത ഭാരതം’ എന്ന സന്ദേശമുയര്ത്തി ശ്രീകൃഷ്ണജയന്തി ദിനത്തില് ജില്ലയില് ആയിരത്തോളം ശോഭായാത്രകള് നടക്കും. ശോഭായാത്രയില് 16,000 കൃഷ്ണവേഷങ്ങളും 21,000 മറ്റ് വേഷങ്ങളും ഉണ്ടായിരി്ക്കുമെന്ന് സംഘാടക സമിതി ഭാരവാഹികള് പത്ര സമ്മേളനത്തില് അറിയിച്ചു
സുരക്ഷിത ബാല്യം എന്ന സന്ദേശം നല്കുന്ന നിശ്ചല ദൃശ്യങ്ങള് ശോഭായാത്രകള്ക്ക് മിഴിവേകും. കോട്ടയം നഗരത്തിന്റെ വിവിധ കേന്ദ്രങ്ങളില് നടക്കുന്ന ശോഭായാത്രകള് തിരുനക്കര സെന്ട്രല് ജംങ്ഷനില് സംഗമിക്കും. മഹാശോഭായാത്ര സംഗമം വൈകിട്ട് 5.30ന് കേന്ദ്ര ടൂറിസം മന്ത്രി അല്ഫോണ്സ് കണ്ണന്താനം ഉദ്ഘാടനം ചെയ്യും. ബാലഗോകുലം സംസ്ഥാന കാര്യദര്ശി കെ.എന്.സജികുമാര് സന്ദേശം നല്കും. ഉറിയടി, ഭജന, പ്രസാദവിതരണം എന്നിവ ഉണ്ടാകും. ഗംഗ, യമുന, സരസ്വതി, ബ്രഹ്മപുത്ര, സിന്ധു എന്നീ പേരുകളിലാണ് നഗരത്തിലെ വിവിധ സ്ഥലങ്ങളില് നിന്നുള്ള ശോഭായാത്രകള് അണി നിരക്കുന്നത്.
ശോഭായാത്രകള്ക്ക് മുന്നോടിയായി വര്ണ്ണോത്സവം, സാംസ്കാരിക സമ്മേളനം, പതാകദിനാചരണം തുടങ്ങിയ വിവിധ പരിപാടികള് ബാലഗോകുലത്തിന്റെ ആഭിമുഖ്യത്തില് നടത്തി. ഇന്ന്് ഗാന്ധിനഗറിലെ കുട്ടികളുടെ ആശുപത്രി ബാലഗോകുലം അംഗങ്ങള് സന്ദര്ശിച്ച് കുട്ടികള്ക്ക് പുസ്്തകം വിതരണം ചെയ്യും. ജില്ലയിലെ വിവിധ കേന്ദ്രങ്ങളില് നടക്കുന്ന മഹാശോഭായാത്രകള്ക്ക് വിവിധ സാംസ്കാരിക പ്രവര്ത്തകരും സംഘടന നേതാക്കളും നേതൃത്വം നല്കും. പാമ്പാടിയില് ആര്എസ്എസ് ജില്ലാകാര്യവാഹക് സജീവ്, പുതുപ്പള്ളിയില് ബാലഗോകുലം മേഖല ഖജാന്ജി ബി.അജിത് കുമാര്, മണര്കാട് സംസ്ഥാന സമിതി അംഗം പ്രെഫ. സി.എന്. പുരുഷോത്തമന്, അയര്ക്കുന്നത്ത് എ.കെ. അനൂപ് കുമാര്, ചങ്ങനാശേരിയില് ജില്ലാ ഉപാദ്ധ്യക്ഷന് എന്.മനു എന്നിവര് നേതൃത്വം നല്കും.
കറുകച്ചാലില് ജില്ലാ ഉപാദ്ധ്യക്ഷന് എം.ബി.ജയന്, ഏറ്റുമാനൂരില് ജില്ലാ കാര്യദര്ശി പി.കെ. സതീശന്, പള്ളിക്കത്തോട് വി.എസ്. മധുസൂദനന്, വൈക്കത്ത് ശ്രീനിവാസന്, കടുത്തുരുത്തിയില് ബിനോയിലാല്, തലയോലപ്പറമ്പില് എന്.സുരേഷ്, കിടങ്ങൂരില് ഉണ്ണികൃഷ്ണന് എന്നിവര് നേതൃത്വം നല്കും. എരുമേലിയില് എം.ആര്. രാജേഷ്, മുണ്ടക്കയത്ത് എസ്.സുര്യന്, കാഞ്ഞിരപ്പള്ളിയില് സുമാ ഗോപിനാഥ്, പൊന്കുന്നത്ത് ഹരിപ്രസാദ്, രാമപുരത്ത് കെ.എന്. സുരേന്ദ്രന്, പാലായില് ബിജു കൊല്ലപ്പള്ളി, ചിറക്കടവില് ഹരികൃഷ്ണന് എന്നിവര് ശോഭായാത്രയ്ക്ക് നേതൃത്വം കൊടുക്കും.
പത്രസമ്മേളനത്തില് ബാലഗോകുലം സംസ്ഥാന കാര്യദര്ശി കെ.എന്. സജികുമാര്, ജില്ലാഅദ്ധ്യക്ഷന് ഡോ.എന്.ഉണ്ണികൃഷ്ണന്, മേഖല സെക്രട്ടറി പി.സി. ഗിരീഷ് കുമാര്, ജില്ലാ സെക്രട്ടറി പ്രതീഷ് മോഹന്, സ്വാഗതസംഘം ജനറല് സെക്രട്ടറി കെ.ഭൃഗു എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: