ന്യൂനപക്ഷ മോര്‍ച്ച പ്രവര്‍ത്തകന് നേരെ വധശ്രമം

Sunday 10 September 2017 8:20 pm IST

അടൂര്‍: ബിജെപി ന്യൂനപക്ഷ മോര്‍ച്ച ഏഴംകുളം പഞ്ചായത്ത് കമ്മിറ്റി ജനറല്‍ സെക്രട്ടറി ഹക്കീമിനു നേരെ സിപിഎം-ഡിവൈഎഫ്‌ഐക്കാരുടെ വധശ്രമം. അടൂര്‍, ഏഴംകുളം ബിജെപി ന്യൂനപക്ഷ മോര്‍ച്ച പഞ്ചായത്ത് കമ്മിറ്റി ജനറല്‍ സെക്രട്ടറി ഹക്കീമിനെയാണ് കഴിഞ്ഞ ദിവസം സിപിഎം-ഡിവൈഎഫ്‌ഐ ഗുണ്ടകള്‍ വെട്ടികെലപ്പെടുത്താന്‍ ശ്രമിച്ചത്. രണ്ടു വര്‍ഷം മുന്‍പ് പട്ടഴിമുക്ക് പ്രദേശത്ത് നിന്നു ഏട്ടുകുടുംബങ്ങളില്‍ നിന്നുമായി ഇരുപത്തിയഞ്ചോളം പേരെ ബിജെപിയില്‍ ചേര്‍ത്തതിന്റെ വൈരാഗ്യമാണ് അക്രമത്തിന് പിന്നിലെന്നാണ് കണക്കുകൂട്ടല്‍. അക്രമസംഭവത്തില്‍ പ്രതിഷേധിച്ച് ഏഴംകുളം കമ്മിറ്റിയുടെ നേതൃത്വത്തില്‍ നടത്തിയ പ്രതിഷേധയോഗം ന്യൂനപക്ഷ മോര്‍ച്ച ജില്ലാ വൈ. പ്രസിഡന്റ് നാഗൂര്‍ മൊയ്തീന്‍ ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് അരുണ്‍ താന്നിക്കല്‍ അദ്ധ്യക്ഷത വഹിച്ചു. നിയോജക മണ്ഡലം ജനറല്‍ സെക്രട്ടറി അനില്‍ നെടുമ്പള്ളില്‍, വാര്‍ഡ് മെമ്പര്‍ എസ്.ഷീജ, ശെല്‍വരാജന്‍ നായര്‍, ഒബിസി മോര്‍ച്ച നിയോ: മണ്ഡലം പ്രസി: പ്രസാദ് കിണറുവിള, രൂപേഷ് അടൂര്‍ എന്നിവര്‍ സംസാരിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.