ഗുരുവായൂര്: ഭഗവാന് ശ്രീകൃഷ്ണന്റെ പിറന്നാള് ആഘോഷത്തിനായി ഗുരുവായൂര് ക്ഷേത്രവും ക്ഷേത്രനഗരിയും തയ്യാറായിക്കഴിഞ്ഞു.അഷ്ടമിരോഹിണി ആഘോഷസമിതിയുടെ ‘നേതൃത്വത്തില് ഇന്ന് അവതാര വിളംബര ഘോഷയാത്ര നടക്കും.വൈകീട്ട് 4.30ന് മമ്മിയൂര് ശിവക്ഷേത്ര സന്നിധിയില് നിന്ന് ആരംഭിക്കുന്ന ഘോഷയാത്രക്ക് മഠാധിപതികളും സന്യാസിമാരും നേതൃത്വം നല്കും ചൈതന്യരഥം, ശ്രീകൃഷ്ണരഥം, ഗജവീരമാര്, ആയിരത്തില്പരം സ്ത്രീകള് പങ്കെടുക്കുന്നതാലപ്പൊലി, വിവിധ നൃത്തരൂപങ്ങള്, നാടന് കലകള് പുരാണ ദൃശ്യങ്ങള് കളരിപ്പയറ്റ് തുടങ്ങിയവ അണിനിരക്കും. ഘോഷയാത്രയില് പാല്പായസവും നെയ്യപ്പവും പ്രസാദമായി വിതരണം ചെയ്യും’
അഷ്ടമിരോഹിണി ദിനത്തില് 30000 പേര്ക്ക് പാല്പ്പായസ മടക്കമുള്ള വിഭവ മൃദ്ധമായ സദ്യയാണ് ക്ഷേത്രത്തില് ഭക്തര്ക്ക് നല്കുക. രാവിലെ ഒന്പത് മണി മുതല് അന്നലക്ഷ്മി ഹാളിലും പ്രത്യക പന്തലിലുമായി സദ്യ നല്കും 10.77 ലക്ഷം രൂപയാണ് ഇതിനായി ദേവസ്വം ഭരണസമിതി നീക്കിവെച്ചിരിക്കുന്നത്.വിശേഷാല് വഴിപാടായ അപ്പം 4.39 ലക്ഷം രൂപ ക്കും, പാല്പായസം 4.84 ലക്ഷം രൂപയ്ക്കും വഴിപാട് നടത്താം. ഇതിനായി പ്രത്യേക കൗണ്ടറുകള് ഇന്ന് വൈകുന്നേരം മുതല് പ്രവര്ത്തിക്കും അപ്പത്തിര് 20 രൂപയാണ് നിരക്ക്.ഒരാള്ക്ക് പരമാവധി മൂന്ന് ടിക്കറ്റുകളാണ് നല്കുക
ക്ഷേത്രത്തില് സ്വര്ണ്ണക്കോലം എഴുന്നള്ളിച്ച് രണ്ടു നേരം കാഴ്ചശീവേലിയും രാത്രി വിളക്കെഴുന്നള്ളിപ്പും നടക്കും.
വൈകീട്ട് സാംസ്ക്കാരിക സമ്മേളനം ഗവര്ണര് പി.സദാശിവം ഉദ്ഘാടനം ചെയ്യും. മന്ത്രി കടകംപള്ളി സുരേന്ദ്രന്, അദ്ധ്യക്ഷനാകും. സുരേഷ് ഗോപി.എം.പി.മുഖ്യാതിഥിയാകും. വെള്ളിത്തിരുത്തി ഉണ്ണി നായര്ക്ക് ക്ഷേത്രകലാ പുരസ്ക്കാരം സമ്മാനിക്കും. ഡോ..എം.ലീലാവതിയെ സ്വര്ണ്ണ പതക്കവും പുരസ്ക്കാരവും നല്കി ആദരിക്കും. മുതിര്ന്ന പൗരന്മാര്ക്കും തദ്ദേശ വാസികള്ക്കുമുള്ള പ്രത്യക ദര്ശന ക്യൂ രാവിലെ ആറിന് മുമ്പ് അവസാനിപ്പിക്കും.
കടവല്ലൂര്: കടവല്ലൂര് ശ്രീരാമ ബാലഗോകുലത്തിന്റെ ആഭിമുഖ്യത്തില് ഗോപൂജ നടന്നു. കടവല്ലൂര് ലക്ഷ്മണ സ്വാമി – നരസിംഹമൂര്ത്തി ക്ഷേത്രസന്നിധിയില് നടന്ന ചടങ്ങില് ക്ഷേത്രം മേല്ശാന്തി സുരേഷ് കുമാര് മുഖ്യ കാര്മ്മികത്വം വഹിച്ചു. അരവിന്ദാക്ഷന് നായര്, ആനന്ദ്, ലാലു, പ്രദീപ്, സുരേഷ്, വിശാഖ്, സജിത്ത് എന്നിവര് നേതൃത്വം നല്കി.
എരുമപ്പെട്ടി: ശ്രീകൃഷ്ണ ജയന്തിയോടനുബന്ധിച്ച് ബാലഗോകുലത്തിന്റെ നേതൃത്വത്തില് എരുമപ്പെട്ടി കരിയന്നൂര് കാവില്വട്ടം മഹാദേവ ക്ഷേത്രത്തില് ഗോപൂജ നടന്നു.
ക്ഷേത്രം മേല്ശാന്തി പുതുമന വല്ലഭന് തിരുമേനി മുഖ്യകാര്മ്മികത്വം വഹിച്ചു.
പി.വി.സത്യന്, ടി.ജി.ഉണ്ണി, കെ.ആര്.മണികണ്ഠന്, സി.ആര്.രതുല് തുടങ്ങിയവര് നേതൃത്വം നല്കി.
ഗുരുവായൂര്: ബാലഗോകുലം നഗരസഭ കമ്മറ്റിയുടെ ആഭിമുഖ്യത്തില് ജന്മാഷ്ടമി നാളില് ക്ഷേത്രനഗരിയില് മഹാശോഭായാത്ര നടക്കും.നഗരത്തിന്റെ വിവിധ ഭാഗങ്ങളില് നിന്ന് എത്തി ചേരുന്ന ഘോഷയാത്രകള് പാര്ത്ഥസാരഥി ക്ഷേത്രസന്നിധിയില് ഒത്തുചേര്ന്ന് വൈകീട്ട് നില് മണിക്ക് മഹാശോഭായാത്രയായി ക്ഷേത്ര നഗരി പ്രദിക്ഷണം ചെയ്ത് ക്ഷേത്രീ തെക്കേനടയില് സമാപിക്കും.
പ്രതികരിക്കാൻ ഇവിടെ എഴുതുക: