പാലാ: കടപ്പാട്ടൂര്, ചെത്തിമറ്റം, മുരിക്കുംപുഴ, ഇടയാറ്റ് എന്നിവിടങ്ങളില് നിന്നും ആരംഭിച്ച ശോഭായാത്രകള് ഗവ. ആശുപത്രി കവലയില് സംഗമിച്ച് മഹാശോഭായാത്രയായി മുരുക്കുംപുഴ ദേവീക്ഷേത്ര സന്നിധിയില് സമാപിച്ചു. തുടര്ന്ന് ഉറിയടിയും പാല്പായസ വിതരണവും നടന്നു.
ഭരണങ്ങാനം: വിളക്കുമാടം, ഇടമറ്റം, ചിറ്റാനപ്പാറ, കീഴപറയാര്, മേലമ്പാറ എന്നിവിടങ്ങളില് നിന്നുള്ള ശോഭായാത്രകള് ഭരണങ്ങാനത്ത് സംഗമിച്ച് മഹാശോഭായാത്രയായി ഭരണങ്ങാനം ശ്രീകൃഷ്ണസ്വാമിക്ഷേത്രത്തില് സമാപിച്ചു. രാത്രി ദുര്യോധനവധം കഥകളി അരങ്ങേറി.
രാമപുരം: അമനകര അമ്പാടി ബാലഗോകുലത്തിന്റെയും താമരക്കാട് ബാലഗോകുലത്തിന്റെയും സംയുക്താഭിമുഖ്യത്തില് താമരക്കാട് ശ്രീപോര്ക്കലി ദേവീക്ഷേത്രത്തില് നിന്നും അമനകര ഭരതസ്വാമിക്ഷേത്രത്തിലേക്ക് ശോഭായാത്ര നടന്നു.
കൊല്ലപ്പള്ളി: അന്തിനാട് ഐങ്കൊമ്പ് കാവിന്പുറം എന്നിവിടങ്ങളില് നിന്നുള്ള ശോഭാത്രകള് കൊല്ലപ്പള്ളിയില് സംഗമിച്ച് മഹാശോഭായാത്രയായി ഏഴാച്ചേരി ഒഴക്കാട്ട് ദേവീക്ഷേത്രത്തില് സംഗമിച്ചു.
മേലമ്പാറ: ശ്രീധര്മ്മശാസ്താ ക്ഷേത്രം , കൈപ്പള്ളിക്കാവ്, കൊണ്ടൂര് ശ്രീഭഗവതിക്ഷേത്രം, ചിറ്റാറ്റിന്മുന്നി എന്നിവിടങ്ങളില് നിന്നുള്ള ശോഭായാത്രകള് സംഗമിച്ച് കൊണ്ടൂര് ശ്രീകൃഷ്ണസ്വാമിക്ഷേത്രത്തില് സമാപിച്ചു.
അളനാട്: പുലികാട്ട് ദേവീക്ഷേത്രത്തില് നിന്നും ശ്രീകൃഷ്ണ ബാലഗോകുലത്തിന്റെ ആഭിമുഖ്യത്തില് അളനാട് ശ്രീകൃഷ്ണസ്വാമി ക്ഷേത്രത്തിലേക്ക് ശോഭായാത്ര നടന്നു.
മേവിട: വെള്ളിയേപ്പള്ളി, കിടങ്ങൂര്, പൂവരണി, നീലൂര്, കരൂര്, പുലിയന്നൂര് കുമ്മണ്ണൂര്, ചേര്പ്പുങ്കല് എന്നിവിടങ്ങളില് മഹാ ശോഭായാത്രകള് നടന്നു.
ചെറുവള്ളി: അഞ്ചിക്കല്പടി, പുളിച്ചുമാക്കല് കവല, കൈലാത്തുകവല, ഭജനമഠം, തെക്കേത്തുകവല, ചെറുവള്ളി അമ്പലം എന്നിവിടങ്ങളില് നിന്നുള്ള ശോഭായാത്രകള് കിഴക്കേകവല ആശ്രമത്തിങ്കല് സംഗമിച്ച് മഹാശോഭായാത്രയായി ചെറുവള്ളി ശ്രീ ദേവീക്ഷേത്രത്തില് സമാപിച്ചു.
കറുകച്ചാല്: വര്ണ്ണശബളമായ ശോഭായാത്രയില് ആയിരങ്ങള് പങ്കെടുത്തു. മാന്തുരുത്തി, ചമ്പക്കര, കൊച്ചിടത്തിനാട്ട്, സുഭാഷ്പടി, അഞ്ചാനി, ചിറയ്ക്കല്, കിഴുവാറ്റ്, നെടുങ്ങാടപ്പള്ളി, കറുകച്ചാല്,നെത്തല്ലൂര് തുടങ്ങി വിവധ പ്രദേശങ്ങളില് നിന്നുമാണ് ഘോഷയാത്രകള് ആരംഭിച്ചത്. വിവധയിടങ്ങളിലെ സ്വീകരണങ്ങള് ഏറ്റുവാങ്ങിയ ഘോഷയാത്ര വെകിട്ട് ആറിന് കറുകച്ചാല് സെന്ട്രല് ജംഗ്ഷനില് സംഗമിച്ചു. തുടര്ന്ന് നടത്തിയ പൊതുസമ്മേളനം ബാലഗോകുലം ജില്ലാ കാര്യദര്ശി എ.കെ.അനൂപ് ഉദ്ഘാടനം ചെയ്തു, ജയന്തിദിന സന്ദേശം നല്കി. സ്വാഗതസംഘം പ്രസിഡന്റ് എ.സതീഷ് അധ്യക്ഷത വഹിച്ചു. ആര്.എസ്.എസ് കറുകച്ചാല് താലൂക്ക് സംഘചാലക് ജി.കേശവന്കുട്ടി പതാക കൈമാറി. തുടര്ന്ന് കറുകച്ചാലില് നിന്നും ആരംഭിച്ച സംയുക്ത ഘോഷയാത്ര നെത്തല്ലൂര് ദേവീക്ഷേത്രത്തില് സമാപിച്ചു.
പ്രതികരിക്കാൻ ഇവിടെ എഴുതുക: