കോട്ടയം: ആക്രണത്തില് നിന്ന് രക്ഷപ്പെട്ടവരെ പിന്തുടര്ന്നെത്തിയ സിപിഎമ്മുകാര് പോലീസ് സ്റ്റേഷന് ആക്രമിച്ച സംഭവത്തില് നാല് സിപിഎം പ്രവര്ത്തകര് അറസ്റ്റിലായി. തിങ്കളാഴ്ച രാത്രി വാകത്താനം പോലീസ് സ്റ്റേഷന് ആക്രമിച്ചതിന് പൊങ്ങന്താനം കാനാരികാവുങ്കല് കെ.സി.കുഞ്ഞുമോന്, ചക്കംചിറ പുതിയ്ക്കല് അനീഷ്, വാകത്താനം ആലപ്പാട് ദര്ശന് ബാബു, ചുരിക്കന്പാറ കൊച്ചുപറമ്പില് അനില് കെ.ജോണ് എന്നിവരാണ് അറസ്റ്റിലായത്. ഇവരെ ചങ്ങനാശേരി കോടതിയില് ഹാജരാക്കി റിമാന്ഡ് ചെയ്തു.
ഓട്ടോറിക്ഷയില് യാത്ര ചെയ്ത സിഎസ്ഡിഎസ് പ്രവര്ത്തകരെ തടഞ്ഞ് നിര്്ത്തി ആക്രമിക്കാന് ഒരുങ്ങിയപ്പോള് ഇവര് പ്രാണരക്ഷാര്ത്ഥം സ്റ്റേഷനിലേക്ക് ഓടിക്കയറി. ഇവരെ വിട്ട് കിട്ടണമെന്നാവശ്യപ്പെട്ടാണ് സിപിഎം പ്രവര്ത്തകര് സ്റ്റേഷന് ആക്രമിച്ചത്. സിഎസ്ഡിഎസ് പ്രവര്ത്തകരെ ക്രൂരമായി മര്ദ്ദിക്കുകയും ചെയ്തു. തടയാന് ശ്രമിച്ച പോലീസുകാര്ക്കും മര്ദ്ദനമേറ്റു. സിഎസ്ഡിഎസ് പ്രവര്ത്തകര് സഞ്ചരിച്ച ഓട്ടോറിക്ഷ സ്റ്റേഷന് പരിസരത്ത് നിന്ന് തട്ടിയെടുത്ത് ഞാലിയാകുഴിയില് കൊണ്ട് വന്ന് അടിച്ച് തകര്ക്കുകയും ചെയ്തു. സംഭവുമായി ബന്ധപ്പെട്ട് പോലീസ് സ്റ്റേഷന് ആക്രമിച്ചതിന് 36 സിപിഎം പ്രവര്ത്തകര്ക്കെതിരെ ജാമ്യമില്ലാ വകുപ്പ് അനുസരിച്ചാണ് കേസെടുത്തത്. സിഎസ്ഡിഎസ് പ്രവര്ത്തകരെ മര്ദ്ദിച്ചതിന് 21 പേര്ക്കെതിരെയും കേസെടുത്തു.
പ്രതികരിക്കാൻ ഇവിടെ എഴുതുക: