കടുത്തുരുത്തി: ശക്തമായ കാറ്റിലും മഴയിലും വീടിന് മുകളിലേക്ക് തേക്ക് മരം ഒടിഞ്ഞുവീണ് വീട് ഭാഗികമായി തകര്ന്നു. വ്യാഴാഴ്ച രാവിലെ 11.30 നാണ് സംഭവം. പാലകര പറമ്പാട്ട് അനിലിന്റെ വീടിനാണ് അയല്വാസിയുടെ പുരയിടത്തില് നിന്ന മരം വീണ് കേടുപാട് സംഭവിച്ചത്. സംഭവസമയം വീടിനകത്തുണ്ടായിരുന്ന അനിലിന്റെ ഭാര്യ ഓടിമാറിയതിനാല് പരിക്കേല്ക്കാതെ രക്ഷപ്പെട്ടു. മരത്തിന്റെ ശിഖിര ഭാഗം വീടിന്റെ പുറകവശത്തേക്ക് വന്ന് വീണ് വീടിന്റെ മേല്ക്കൂര ഭാഗികമായി തകരുകയും ഭിത്തിക്ക് വിള്ളലുകള് ഉണ്ടാവുകയും ചെയ്തു. വില്ലേജ് ഓഫീസര് സ്ഥലത്തെത്തി റിപ്പോര്ട്ട് തയ്യാറാക്കി.
പ്രതികരിക്കാൻ ഇവിടെ എഴുതുക: