തിരുവനന്തപുരം: ആര്സിസിയില് രക്താര്ബുദത്തിന് ചികിത്സയിലിരിക്കെ ഒമ്പതുവയസുകാരിക്ക് എച്ച്ഐവി ബാധിച്ച സംഭവം അന്വേഷിച്ച് കുറ്റക്കാര്ക്കെതിരെ നടപടി എടുക്കണമെന്ന് പ്രതിപക്ഷ നേതാവ് രമേശ് ചെന്നിത്തല.
15 ദിവസം മുമ്പ് പരാതി നല്കിയിട്ടും ഇതുവരെ നടപടി ഉണ്ടായില്ലെന്നത് ഞെട്ടിപ്പിക്കുന്നു. വിഷയവുമായി ബന്ധപ്പെട്ട് മുഖ്യമന്ത്രി പിണറായി വിജയനുമായി ഫോണില് സംസാരിച്ചിട്ടുണ്ടെന്നും ചെന്നിത്തല പറഞ്ഞു.
രക്തം സ്വീകരിച്ച കുട്ടിക്ക് എച്ച്ഐവി ബാധിച്ചതായ പരാതി വിദഗ്ധ സംഘം അന്വേഷിക്കുമെന്ന് ആരോഗ്യമന്ത്രി കെ.കെ. ശൈലജ അറിയിച്ചിരുന്നു. കുട്ടിയുടെ രക്ഷിതാവിന്റെ പരാതി കിട്ടിയ ഉടന്തന്നെ പരിശോധിച്ച് റിപ്പോര്ട്ട് നല്കാന് ആര്സിസി ഡയറക്ടറോട് ആവശ്യപ്പെട്ടിരുന്നതായും മന്ത്രി പറഞ്ഞിരുന്നു.
പ്രതികരിക്കാൻ ഇവിടെ എഴുതുക: