പനാമ കേസില്‍ ഷെരീഫിന് തിരിച്ചടി; പുനഃപരിശോധനാ ഹര്‍ജി തള്ളി

Friday 15 September 2017 2:29 pm IST

ഇസ്ലാമാബാദ് : പാകിസ്ഥാന്‍ മുന്‍ പ്രധാനമന്ത്രി നവാസ് ഷെരീഫിന് പനാമ കേസില്‍ വീണ്ടും തിരിച്ചടി. പനാമ കേസിലെ സുപ്രിംകോടതി വിധി പുനഃപ്പരിശോധിക്കണമെന്ന് ആവശ്യപ്പെട്ട് നവാസ് ഷെരീഫ് സമര്‍പ്പിച്ച ഹര്‍ജി പാക് സുപ്രിംകോടതി തള്ളി. ജസ്റ്റിസ് ആസിഫ് സയീദ് ഖോസയുടെ നേതൃത്വത്തിലുള്ള അഞ്ചംഗ ബെഞ്ചാണ് ഷെരീഫിന്റെ പുനഃപരിശോധനാ ഹര്‍ജി തള്ളിയത്. നവാസ് ഷെരീഫ്, മക്കളായ ഹുസൈന്‍, ഹസ്സന്‍, മറിയം നവാസ്, മരുമകന്‍ ക്യാപ്ടന്‍ മുഹമ്മദ് സഫ്ദര്‍, ധനകാര്യമന്ത്രി ഇഷാഖ് ധര്‍ എന്നിവരാണ് സുപ്രിംകോടതി വിധിയ്‌ക്കെതിരെ പുനഃപരിശോധന ഹര്‍ജിയുമായി കോടതിയെ സമീപിച്ചത്. പനാമ പേപ്പര്‍ അഴിമതി കേസില്‍ നവാസ് ഷെരീഫ് കുറ്റക്കാരനാണെന്ന് കണ്ടെത്തിയ പാക് സുപ്രിംകോടതി, പ്രധാനമന്ത്രി സ്ഥാനത്തു നിന്നും അദ്ദേഹത്തെ അയോഗ്യനാക്കിക്കൊണ്ട് ജൂലൈ 28 നാണ് വിധി പുറപ്പെടുവിച്ചത്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.