കണ്ണൂര്: വ്യത്യസ്ത നിലവാരക്കാരായ കുട്ടികളുടെ ആത്മവിശ്വാസം വളര്ത്തുന്നതിനും കഴിവുകള് വികസിപ്പിക്കുന്നതിനും സ്വതന്ത്രവും സ്വാഭാവികവുമായ പഠനാന്തരീക്ഷം ഒരുക്കി സര്വ്വശിക്ഷാ അഭിയാന് ജില്ലയില് പ്രാദേശിക പ്രതിഭാകേന്ദ്രങ്ങള് ആരംഭിക്കും. പാര്ശ്വവല്ക്കരിക്കപ്പെട്ട ജനവിഭാഗങ്ങളിലെ മൂവായിരത്തോളം വിദ്യാര്ത്ഥികള്ക്ക് ഇതിന്റെ ഗുണഫലം ലഭിക്കും.
പ്രാദേശിക വളണ്ടിയര്മാരുടെ സേവനം ഉപയോഗിച്ച് കുട്ടികളുടെ പഠനപ്രയാസങ്ങള് പരിഹരിക്കുന്നതിനും അടിസ്ഥാനശേഷികള് ഉറപ്പുവരുത്തുന്നതിനും സര്ഗശ്ശേഷി വര്ദ്ധിപ്പിക്കുന്നതിനും ഉള്ള പ്രവര്ത്തനങ്ങള്ക്ക് കേന്ദ്രം ഊന്നല് നല്കും. ജില്ലയില് നൂറോളം പ്രതിഭാ കേന്ദ്രങ്ങളാണ് ഇത്തരത്തില് ആരംഭിക്കുന്നത്. പ്രാദേശിക പഠനകേന്ദ്രങ്ങളുടെ ഉദ്ഘാടനം ഇന്ന് രാവിലെ 10 മണിക്ക് ഇരിട്ടി വിളമന ഗവ. യുപി സ്കൂളില് കെ.കെ.രാഗേഷ്. എംപി നിര്വ്വഹിക്കും. ഇരിട്ടി ബ്ലോക്ക് പഞ്ചായത്ത് പ്രസിഡണ്ട് എ.ടി.റോസമ്മ അധ്യക്ഷത വഹിക്കുന്ന ചടങ്ങില് സര്വ്വശിക്ഷാ അഭിയാന് ജില്ലാ പ്രോജക്ട് ഓഫീസര് ഡോ.പി.വി.പുരുഷോത്തമന് പദ്ധതി വിശദീകരിക്കും.
പ്രതികരിക്കാൻ ഇവിടെ എഴുതുക: