കോഴിക്കോട്: ബൈപ്പാസില് രാമനാട്ടുകരയ്ക്ക് സമീപം പൊറ്റപ്പടി ജംഗ്ഷനില് മിനി ബസും ഇന്നോവ കാറും കൂട്ടിയിടിച്ച് മൂന്നു പേര് മരിച്ചു.കാറില് യാത്ര ചെയ്ത അടൂര് സ്വദേശികളായ രാജലക്ഷ്മി, മക്കളായ ശ്രീലക്ഷ്മി (10), ഐശ്വര്യ (8) എന്നിവരാണ് മരിച്ചത്.രാവിലെ 11.30 ഓടെ ഇവര് സഞ്ചരിച്ചിരുന്ന കാറില് പന്തീരാങ്കാവില് നിന്ന് രാമനാട്ടുകരയിലേക്ക് പോവുകയായിരുന്ന ബസ് ഇടിക്കുകയായിരുന്നു. പത്തനംതിട്ടയില് നിന്നു മൂകാംബികയിലേക്കു പോവുകയായിരുന്ന ഏഴംഗ സംഘമാണ് അപകടത്തില്പ്പെട്ടത്.പരിക്കേറ്റവരെ കോഴിക്കോട് മെഡിക്കല് കോളേജ് ആസ്പത്രിയില് പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: