പട്ടികവര്‍ഗക്കാര്‍ക്ക് ധനസഹായം

Tuesday 19 September 2017 8:31 pm IST

കാസര്‍കോട്: പരപ്പ ബ്ലോക്ക് പഞ്ചായത്ത് പട്ടികവര്‍ഗ ഉപപദ്ധതി പ്രകാരം ട്രൈബല്‍ എക്‌സ്റ്റെന്‍ഷന്‍ ഓഫീസ് മുഖേന ബിരുദബിരുദാനന്തര കോഴ്‌സുകള്‍ക്ക് പഠിക്കുന്ന പട്ടികവര്‍ഗ വിദ്യാര്‍ത്ഥികള്‍ക്ക് ധനസഹായം അനുവദിക്കുന്നു. സംസ്ഥാന സര്‍ക്കാരോ സര്‍ക്കാര്‍ ചുമതലപ്പെടുത്തിയിട്ടുളള ഏജന്‍സികളോ നടത്തുന്ന എല്ലാത്തരം കോഴ്‌സുകളിലേക്കും കേന്ദ്ര സംസ്ഥാനതല പ്രവേശന പരീക്ഷയില്‍ യോഗ്യത നേടി പഠനം നടത്തി വരുന്ന എല്ലാ വിദ്യാര്‍ത്ഥികള്‍ക്കും (ബിരുദബിരുദാനന്തര കോഴ്‌സുകള്‍) സ്ഥാപനമേധാവിയുടെ സാക്ഷ്യപത്രത്തിന്റെ അടിസ്ഥാനത്തില്‍ കോഴ്‌സ് കാലാവധി വരെയുളള എല്ലാ അക്കാദമിക് വര്‍ഷത്തിലും ധനസഹായം നല്‍കും. അപേക്ഷകര്‍ ജാതി, പഠിക്കുന്ന സ്ഥാപനത്തില്‍ നിന്നുളള സാക്ഷ്യപത്രം, കേരളത്തിനകത്ത് പ്രവേശനം ലഭിച്ചിട്ടുളളവര്‍ എന്‍ട്രന്‍സ് കമ്മീഷണര്‍ തയ്യാറാക്കിയ റാങ്ക് ലിസ്റ്റില്‍ ഉള്‍പ്പെട്ടതായി തെളിയിക്കുന്ന പ്രമാണങ്ങള്‍, ഊരുകൂട്ട തീരുമാനം എന്നിവ സഹിതം അപേക്ഷകള്‍ 25 നകം പനത്തടി, നീലേശ്വരം ട്രൈബല്‍ എക്‌സ്റ്റെന്‍ഷന്‍ ഓഫീസര്‍മാര്‍ മുഖേന സമര്‍പ്പിക്കണം. ബന്ധപ്പെട്ട ഗ്രാമപഞ്ചായത്ത് ജില്ലാ പഞ്ചായത്ത് എന്നിവിടങ്ങളില്‍ ഈ പദ്ധതിയുടെ ധനസഹായത്തിന് അപേക്ഷിച്ചവര്‍ അപേക്ഷിക്കേണ്ടതില്ല.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.