മട്ടന്നൂര്: പാവപ്പെട്ടവരുടെ കുട്ടികള് പഠിക്കുന്ന ഗ്രാമീണ വിദ്യാലയങ്ങളില് ആധുനിക സൗകര്യങ്ങള് ഒരുക്കുന്നതില് കേന്ദ്ര സര്ക്കാര് പ്രത്യേക പരിഗണനകൊടുക്കുന്നതായി റിച്ചാര്ഡ് ഹെ എംപി. കുഴിക്കല് എല്പി സ്കൂളില് സ്മാര് ക്ലാസ്സ് റൂം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിദ്യാഭ്യാസ മേഖല ഇന്ന് മത്സരത്തിന്റെ കാലഘട്ടത്തിലൂടെയാണ് കടന്നു പോകുന്നതെന്നും ഐടി മേഖലയില് കൂടുതല് അറിവുകള് നേടിയെടുക്കുക എന്നത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു. നഗരസഭ ചെയര്പേഴ്സണ് അനിത വേണു അധ്യക്ഷത വഹിച്ചു. എംപിയുടെ വികസന ഫണ്ടില് നിന്നും അനുവദിച്ച രണ്ടേകാല് ലക്ഷം രൂപ ചെലവഴിച്ചാണ് സ്മാര്ട്ട് ക്ലാസ് റൂം ഒരുക്കിയത്. നഗരസഭാംഗങ്ങളായ എ.കെ.സുരേഷ് കുമാര്, എം. ഷീബ, സുബൈദ ടീച്ചര്, സ്കൂള് മാനേജര് സി.വി.വിജയന് മാസ്റ്റര്, കെ.സുനില്കുമാര്, എം.കെ.വിനോദ് കുമാര്, സി. പ്രിയ, റഫീഖ് ബാവോട്ടുപാറ എന്നിവര് സംസാരിച്ചു. പ്രധാനാധ്യാപകന് പി.വി.വേണുഗോപാല് സ്വാഗതവും കെ.കെ.ശാന്തകുമാരി നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: