ഇരിട്ടി: ലോകബാങ്ക് സഹായത്തോടെ പ്രവര്ത്തി നടന്നുവരുന്ന തലശ്ശേരിവളവുപാറ റോഡിന്റെയും ഇരിട്ടി പാലത്തിന്റെയും നിര്മ്മാണ ജോലികള് ത്വരിതഗതിയില് സമയബന്ധിതമായി പൂര്ത്തിയാക്കണമെന്ന് ആള് കേരള ഫോട്ടോ ഗ്രാഫേഴ്സ് അസോസിയേഷന് ഇരിട്ടി യൂനിറ്റ് വാര്ഷിക സമ്മേളനം അധികൃതരോടാവശ്യപ്പെട്ടു. ജില്ലാ വൈസ് പ്രസിഡന്റ് പ്രജിത്ത് ഐ മാക്സ് ഉദ്ഘാടനം ചെയ്തു. ഇരിട്ടി യൂണിറ്റ് പ്രസിഡന്റ് ബിനോയ് ശിവന് അദ്ധ്യക്ഷത വഹിച്ചു. മേഖലാ പ്രസിഡന്റ് ഷജിത്ത് മട്ടന്നൂര് റിപ്പോര്ട്ട് അവതരിപ്പിച്ചു. സംഘടനാ നേതാക്കളായ വിനോജ് ഡിമാക്സ്, വിവേക് നമ്പ്യാര്, ഷിജു ദേവിക, ലിന്സ് ജേക്കബ് തുടങ്ങിയവര് പ്രസംഗിച്ചു. ജോയ് പടിയൂര് സ്വാഗതവും മനോജ് ഡയാന നന്ദിയും പറഞ്ഞു.
പുതിയ ഭാരവാഹികളായി യു.അഭിലാഷ് (പ്രസിഡന്റ്), ഷാജി ഗാലക്സി (വൈസ് പ്രസിഡന്റ്), ജോയി പടിയൂര് (സെക്രട്ടറി.), അഫ്സല് ഇരിട്ടി (ജോയന്റ് സെക്രട്ടറി), ജിന്സ് പുതുപ്പള്ളി (ട്രഷറര്) എന്നിവരെ തെരഞ്ഞെടുത്തു.
x
പ്രതികരിക്കാൻ ഇവിടെ എഴുതുക: