എംബിബിഎസ് പ്രവേശന അഴിമതി: ജഡ്ജിമാര്‍ക്കെതിരെ അന്വേഷണം

Thursday 21 September 2017 1:19 pm IST

ന്യൂദല്‍ഹി : സുപ്രിം കോടതി ഉത്തരവ് മറികടന്ന് സ്വകാര്യ മെഡിക്കല്‍ കോളേജില്‍ മെഡിക്കല്‍ പ്രവേശനം അനുവദിച്ച ഹൈക്കോടതി ജഡ്ജിമാര്‍ക്ക് എതിരെ അന്വേഷണം ആരംഭിച്ചു. അലഹബാദ് ഹൈക്കോടതിയിലെ ജസ്റ്റിസ് എസ്.എന്‍ ശുക്ല, ജസ്റ്റിസ് വിരേന്ദ്ര കുമാര്‍ എന്നിവര്‍ക്ക് എതിരെയാണ് അന്വേഷണം ആരംഭിച്ചത്. ചീഫ് ജസ്റ്റിസ് ദീപക് മിശ്രയുടെ നിര്‍ദേശ പ്രകാരം സുപ്രിംകോടതിയും, സിബിഐയും ആണ് അന്വേഷണം ആരംഭിച്ചത്. 2017-18 അധ്യയന വര്‍ഷം രാജ്യത്തെ ഒരു ഹൈക്കോടതിയും എംബിബിഎസ് പ്രവേശനത്തിന് അനുമതി നല്‍കരുത് എന്ന് സുപ്രിം കോടതി ഉത്തരവിട്ടിരുന്നു. ഇത് മറികടന്നാണ് അലഹബാദ് ഹൈക്കോടതി ഒരു സ്വകാര്യ കോളേജിന് പ്രവേശന അനുമതി നല്‍കിയത്. ഈ വിദ്യാര്‍ത്ഥി പ്രവേശനം പിന്നീട് സുപ്രീം കോടതി റദ്ദാക്കുകയും ചെയ്തിരുന്നു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.