ഇരിട്ടി: സാമൂഹിക നീതിവകുപ്പിന്റെപ്പിന്റെ ആഭിമുഖ്യത്തില് നടക്കുന്ന പോഷകാഹാര വാരാചരണത്തിന്റെ ഭാഗമായി ഐസിഡിഎസ് ഇരിട്ടി ആന്റ് ഇരിട്ടി അഡീഷണലിന്റെ നേതൃത്വത്തില് ബ്ലോക്ക് തല ന്യൂട്രിമിക്സ് പാചകമത്സരം നടന്നു. ഇരിട്ടി ബ്ലോക്കിലെ വിവിധ അംഗന്വാടികളില് നിന്നായി 16 പേര് മത്സരത്തില് പങ്കെടുത്തു. മധുരപലഹാരങ്ങള്, ആവിയില് വേവിച്ച പലഹാരങ്ങള് എന്നീ രണ്ടു വിഭാഗങ്ങളിലായിരുന്നു മത്സരം. ഇരുവിഭാഗത്തിലുള്ള മത്സരത്തിലും ആറളം വെളിമാനം അംഗന്വാടിക്ക് ഒന്നാം സ്ഥാനം ലഭിച്ചു. ആവിലില് നിര്മ്മിച്ച പലഹാരങ്ങള്ക്ക് ജെസ്സി ആന്റണിയും മധുരപലഹാര വിഭാഗത്തില് സജയ് സന്തോഷും വിജയിച്ചു.
ഇരിട്ടി ബ്ലോക്ക് പഞ്ചായത്ത് ഹോളില് നടന്ന പരിപാടി ബ്ലോക്ക് പഞ്ചായത്ത് പ്രസിഡന്റ് എന്.ടി. റോസമ്മ ഉദ്ഘാടനവും സമ്മാനദാനവും നിര്വഹിച്ചു. ബ്ലോക്ക് പഞ്ചായത്ത് മെമ്പര് ബെന്നി ഫിലിപ്പ് അദ്ധ്യക്ഷത വഹിച്ചു. ആരോഗ്യ സ്റ്റാന്റിഗ് കമ്മിറ്റി ചെയര്മാന് കാര്ത്ത്യായനി, ബേബി സുനിത തുടങ്ങിയവര് പ്രസംഗിച്ചു. ഇരിട്ടി സിഡിപി ഒ.നിഷ പാലത്തടത്തില് സ്വാഗതവും സിസിപിഒ അഡീഷണല് എ.പി.പ്രസന്ന നന്ദിയും പറഞ്ഞു. ബ്ലോക്ക് തലത്തില് ജയിച്ചവര്ക്ക് ജില്ലാതലത്തില് മത്സരിക്കാം. ജില്ലാതലത്തില് ജയിക്കുന്നവര്ക്ക് സംസ്ഥാനതലത്തിലും മത്സരിക്കാനാവും. സംസ്ഥാനത്ത് ഒന്നാം സ്ഥാനത്തെത്തുന്നവര്ക്കു ഒരു ലക്ഷംരൂപയും രണ്ടാം സ്ഥാനം നേടുന്നവര്ക്ക് അന്പതിനായിരം രൂപയുമാണ് പാരിതോഷികമായി ലഭിക്കുക.
പ്രതികരിക്കാൻ ഇവിടെ എഴുതുക: