കണ്ണൂര്: ഇന്ഫര്മേഷന് പബ്ലിക് റിലേഷന്സ് വകുപ്പിന്റെ ആഭിമുഖ്യത്തിലുള്ള ഗാന്ധി ജയന്തി വാരാഘോഷത്തിന്റെ ഭാഗമായി ഒക്ടോബര് രണ്ട് മുതല് എട്ട് വരെ ജില്ലയില് വിപുലമായ പരിപാടികള് സംഘടിപ്പിക്കാന് ജില്ലാ കലക്ടര് മീര് മുഹമ്മദലിയുടെ അധ്യക്ഷതയില് ചേര്ന്ന സംഘാടക സമിതി യോഗം തീരുമാനിച്ചു. ഗാന്ധിജിയുടെ ആശയങ്ങള് ്രപചരിപ്പിക്കാനും യുവതലമുറയിലേക്ക് അവ പകര്ന്നു നല്കാനുമുള്ള ഫലപ്രദമായ പരിപാടികള് വാരാഘോഷത്തിന്റെ ഭാഗമായി സംഘടിപ്പിക്കണമെന്ന് യോഗത്തില് സംസാരിച്ച ജില്ലാ പഞ്ചായത്ത് ്രപസിഡണ്ട് കെ.വി.സുമേഷ് നിര്ദേശിച്ചു.
ഒക്ടോബര് രണ്ടിന് ജില്ലാതല ഉദ്ഘാടനമായി കണ്ണൂര് പയ്യാമ്പലം ബീച്ച് ശുചീകരണം നടത്തും. ഡി.എസ്.സിയുടെ സഹായത്തോടെയായിരിക്കും ശുചീകരണ പ്രവര്ത്തനം.
മാലിന്യസംസ്ക്കരണ പ്രവര്ത്തനങ്ങള്ക്ക് ഊര്ജം പകരുകയെന്ന ലക്ഷ്യത്തോടെ മാലിന്യത്തില് നിന്ന് സ്വാതന്ത്ര്യം-എന്ന പേരില് രണ്ട് ദിവസത്തെ വിപുലമായ ്രപദര്ശനവും സംഘടിപ്പിക്കും. ശുചിത്വമിഷന്റെ സഹായത്തോടെ മാലിന്യസംസ്ക്കരണ രംഗത്തെ വിവിധ ഏജന്സികളുടെ വര്ക്കിങ്ങ് മോഡലുകളാണ് പ്രദര്ശനത്തില് ഒരുക്കുക. സംസ്ഥാനത്ത് മാലിന്യസംസ്ക്കരണ സംവിധാനങ്ങള് മികച്ച രീതിയില് നടത്തിവരുന്ന തെരഞ്ഞെടുക്കപ്പെട്ട തദ്ദേശസ്ഥാപനങ്ങളെ പങ്കെടുപ്പിച്ച് അനുഭവങ്ങള് പങ്കുവെക്കുന്ന ്രപത്യേക പരിപാടിയും ഇതിന്റെ ഭാഗമായി ഉണ്ടാകും.
എല്ലാ തദ്ദേശസ്ഥാപനങ്ങളിലും മാലിന്യ സംസ്ക്കരണത്തിന് ഏതെങ്കിലും തരത്തിലുള്ള ഒരു സ്ഥിരം സംവിധാനം വേണമെന്ന് സര്ക്കാര് നിര്ദേശിച്ചിട്ടുണ്ട്. ഈ പ്രവര്ത്തനത്തിന് പ്രോത്സാഹനമാകും വിധം ഈ രംഗത്തെ മികച്ച മാതൃകകളും അനുഭവങ്ങളും ജില്ലയിലെ തദ്ദേശസ്ഥാപനങ്ങള്ക്ക് പരിചയപ്പെടാന് പരിപാടി അവസരമൊരുക്കും. ബ്ലോക്ക് പഞ്ചായത്തുകളെ പങ്കെടുപ്പിച്ച് സ്വാപ്പ് മേളയും ഇതോടൊപ്പം ഒരുക്കും.
ആദിവാസി കോളനികളില് സേവന-ബോധവല്ക്കരണ പരിപാടികള്, ജില്ലയിലെ ഹൈസ്ക്കൂള് സാമൂഹ്യശാസ്ത്ര ക്ലബ്ബ് അംഗങ്ങളില് നിന്ന് തെരഞ്ഞെടുക്കപ്പെടുന്നവരെ പങ്കെടുപ്പിച്ച് സ്വാതന്ത്ര്യ സ്മൃതിയാത്ര, വിദ്യാര്ഥികള്ക്ക് മത്സരങ്ങള്, കോളേജ് വിദ്യാര്ഥികള്ക്കായി ഡിബേറ്റ് എന്നിവയും വാരാഘോഷത്തിന്റെ ഭാഗമായി നടത്തും.
മതനിരപേക്ഷതയുടെയും ജനാധിപത്യ മൂല്യങ്ങളുടെയും പ്രചാരണത്തിനായി ഗ്രാമങ്ങളില് മാനവസൗഹൃദ സദസ്സുകള്ക്കും വേദിയൊരുക്കും. ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് ചെയര്മാനും ജില്ലാ കലക്ടര് മീര് മുഹമ്മദലി ജനറല് കണ്വീനറും ജില്ലാ ഇന്ഫര്മേഷന് ഓഫീസര് ഇ.കെ.പത്മനാഭന് വര്ക്കിങ്ങ് കണ്വീനറുമായി സംഘാടകസമിതി രൂപീകരിച്ചു. മഹാത്മാമന്ദിരം ജനറല് സെക്രട്ടറി ടി.വി.സുരേന്ദ്രന്, വൈസ് പ്രസിഡണ്ട് സി.പി.നാരായണന് നമ്പ്യാര്, എന്എസ്എസ് ജില്ലാ കോ ഓര്ഡിനേറ്റര് സരീഷ് പയ്യമ്പള്ളി, വിവിധ വകുപ്പ് മേധാവികള് തുടങ്ങിയവര് യോഗത്തില് പങ്കെടുത്തു.
ജില്ലാ ഭരണകൂടം, ജില്ലാ പഞ്ചായത്ത്, ശുചിത്വ മിഷന്, വിദ്യാഭ്യാസ വകുപ്പ്, ആരോഗ്യ വകുപ്പ്, ഐടിഡിപി, എക്സൈസ്, എന്എച്ച്എം, ജില്ലാ ലൈബ്രറി കൗണ്സില്, ഗാന്ധിയന് സംഘടനകള്, തദ്ദേശസ്ഥാപനങ്ങള്, കുടുംബശ്രീ എന്നിവയുടെ സഹകരണത്തോടെയാണ് പരിപാടികള് സംഘടിപ്പിക്കുന്നത്.
പ്രതികരിക്കാൻ ഇവിടെ എഴുതുക: