കോഴിക്കോട്: ജില്ലയിലെ പാര്ലമെന്റ് അംഗങ്ങളുടെയും 13 നിയമസഭാംഗങ്ങളുടെയും പ്രാദേശിക വികസന ഫണ്ട് ഉപയോഗിച്ച് നടപ്പാക്കുന്ന വികസന പദ്ധതികളുടെ നിര്വഹണ പുരഗോതി ജില്ലാ കലക്ടര് യു.വി. ജോസിന്റെ അധ്യക്ഷതയില് യോഗം ചേര്ന്ന് വിലയിരുത്തി. എംപി-എംഎല്എ ഫണ്ട് വിനിയോഗം കാര്യക്ഷമമാക്കുന്നതിനും നിര്വഹണം വേഗത്തിലാക്കുന്നതിനും ഓരോ മാസവും കലക്ടറേറ്റില് അവലോകനം നടത്താന് പ്രതിമാസം യോഗം ചേരാന് തീരുമാനിച്ചിരുന്നു.
ജനപ്രതിനിധികള് നിര്ദ്ദേശിക്കുന്ന പദ്ധതികള് നടപടികള് പൂര്ത്തീകരിച്ച് വേഗത്തില് നടപ്പാക്കാനും ഫണ്ട് വിനിയോഗം 100 ശതമാനമാക്കാനും ഉദ്യോഗസ്ഥര് ജാഗ്രത പാലിക്കണമെന്ന് ജില്ലാ കലക്ടര് നിര്ദേശം നല്കി. വര്ഷങ്ങളായി നിര്മ്മാണം ആരംഭിക്കാത്ത ഭരണാനുമതി ലഭിച്ചതും അല്ലാത്തുമായ എംഎല്എ വര്ക്കുകളില് അത്യാവശ്യമില്ലാത്തവ ഒഴിവാക്കാന് കലക്ടര് നിര്ദേശിച്ചു. സീനിയര് ഫിനാന്സ് ഓഫീസര് ജെസ്സി ഹെലന് ഹമദ്, ജില്ലാ പ്ലാനിങ് ഓഫീസര് എം.എ. ഷീല എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: