ആലപ്പുഴ: നഗരസഭയിലെ ഒരു വിഭാഗത്തിന്റെ ഒത്താശയോടെ അതീവ പരിസ്ഥിതി പ്രാധാന്യമുള്ള ഡോക്ക്ചിറ ദ്വീപും റിസോര്ട്ടുകാര് കയ്യടക്കി.
മുല്ലയ്ക്കല് വില്ലേജില് ഉള്പ്പെടുന്ന നെഹ്റുട്രോഫി വാര്ഡിലെ ഏതാണ്ട് 25 ഏക്കറോളം വരുന്ന ദ്വീപ് പ്രദേശമാണ് ടൂറിസം കുത്തകകള് കയ്യടക്കി റിസോര്ട്ട് നിര്മ്മിക്കുന്നത്. നിര്മ്മാണ പ്രവര്ത്തനങ്ങള് പരിസ്ഥിതിക്ക് ദോഷകരമാകുമെന്ന് വ്യാപക പരാതി ഉയര്ന്ന സാഹചര്യത്തില് നഗരസഭയുടെ എഞ്ചിനീയറിങ് വിഭാഗം നിര്മ്മാണ പ്രവര്ത്തനം നിര്ത്തിവയ്ക്കാന് സ്റ്റോപ് മെമ്മോ നല്കിയിരുന്നു.
എന്നാല് ഇതിനുശേഷവും നിര്മ്മാണ പ്രവര്ത്തനങ്ങള് നടക്കുന്നതായി ആക്ഷേപമയരുന്നു. കണ്ടല്ക്കാടുകള് വെട്ടിനിരത്തി. ചെറുതോടുകള് പോലും നികത്തിയാണ് നിര്മ്മാണം നടക്കുന്നത്.
സ്റ്റോപ് മെമ്മോ നല്കിയശേഷവും നിര്മ്മാണം നടക്കുന്നത് നഗരസഭയിലെ ഉന്നതരുടെയും ഉദ്യോഗസ്ഥരുടെയും വിവിധ രാഷ്ട്രീയ കക്ഷികളുടെയും ഒത്താശ ഉള്ളതുകൊണ്ടാണെന്ന് സോഷ്യല് ജസ്റ്റിസ് വിജിലന്സ് ഫോറം, ആദിവാസി ദളിത് പ്രൊട്ടക്ഷന് റൈറ്റ് മൂവ്മെന്റ്, ഭൂസമര ജനകീയ സമര മുന്നണി, ദളിത് സമര സമിതി ഭാരവാഹികള് പറഞ്ഞു.
ഇതിനെതിരെ ശക്തമായ സമര പരിപാടികളും നിയമപോരാട്ടങ്ങളും നടത്തുമെന്ന് ഭാരവാഹികളായ ബിനീഷ് കോയിക്കല്, നടേശന്, മുഹ്സിന് ഇബ്രാഹിം, എസ്. സുദേവ്കുമാര് എന്നിവര് പറഞ്ഞു.
പ്രതികരിക്കാൻ ഇവിടെ എഴുതുക: