അമ്പലപ്പുഴ: പുറക്കാട് രണ്ടു ക്ഷേത്രങ്ങളില് മോഷണം. കാണിക്കവഞ്ചികള് കവര്ന്നു. പുറക്കാട് പഴയങ്ങാടി തെക്കന് കണിച്ചുകുളങ്ങര, കരൂര്പറമ്പില് ശ്രീദേവി ക്ഷേത്രം എന്നിവിടങ്ങളിലാണ് ഞായറാഴ്ച രാത്രി മോഷണം നടന്നത്. ഇന്നലെ രാവിലെ ക്ഷേത്രത്തിലെത്തിയ പൂജാരിയും ഭക്തജനങ്ങളുമാണ് മോഷണ വിവരം അറിയുന്നത്. നഷ്ടപ്പെട്ട കാണിക്ക വഞ്ചികളില് ഒരെണ്ണം അമ്പലപ്പുഴ പോലീസ് സ്റ്റേഷന്റെ പിറകിലുള്ള റോഡരികില് നിന്നും കണ്ടെത്തി. ഉപേക്ഷിക്കപ്പെട്ട നിലയില് ഒരു സൈക്കിളും ഇവിടെ നിന്നും കണ്ടെത്തിയിരുന്നു.
നടപടി എടുക്കണം: വിഎച്ച്പി
ആലപ്പുഴ: ജില്ലയിലെ വിവിധ ക്ഷേത്രങ്ങള് കേന്ദ്രീകരിച്ച് മോഷണം നടക്കുന്നതും കാണിക്കവഞ്ചികള് കുത്തിത്തുറക്കുന്നതും പരമ്പരായായി നീളുകയാണ്. അമ്പലപ്പുഴ ക്ഷേത്രത്തിലെ പതക്കം മോഷണവുമായി ബന്ധപ്പെട്ട് കുറ്റവാളികളെ ഇതുവരെ പോലീസ് കണ്ടെത്തിയില്ല. വിഎച്ചിപിയുടെ കീഴിലുള്ള ആലപ്പുഴ ചേരമാന്കുളങ്ങര ക്ഷേത്രത്തിലെ കാണിക്കവഞ്ചി തുടര്ച്ചയായി കുത്തിത്തുറന്ന് മോഷണം നടക്കുന്നു. മോഷ്ടാക്കളെയും സാമൂഹ്യവിരുദ്ധരെയും പിടികൂടാന് ബന്ധപ്പെട്ട അധികാരികള് സത്വര നടപടികള് കൈക്കൊള്ളണമെന്ന് വിഎച്ച്പി ജില്ലാ കമ്മറ്റി ആവശ്യപ്പെട്ടു. ജില്ലാ വര്ക്കിങ് പ്രസിഡന്റ് വി.കെ. സുരേഷ്ശാന്തി അദ്ധ്യക്ഷനായി. ജില്ലാ സെക്രട്ടറി എം. ജയകൃഷ്ണന്, വിഭാഗ് സെക്രട്ടറി പി.ആര്. ശിവശങ്കരന്, വി.എന്. രാജശേഖരന്, എം.എന്. വിജയന്, രാജേശ്വരി ഗോപാല് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: